المقادير /
كيكة الشوكلاته/ 1 كوب طحين + 4 بيض + 1 كيس بكن باودر + 1 ملعقة شاي صودا + 4 ملاعق اكل كاكاو + 2 كوب سكر + قليل من الفانيلا + كوب روبة + 1ملعقة نشا + 6 ملاعق زيت
نخلط كل من البيض والسكر الى ان يتغير لونه وبعدين نضيف الروبة والزيت وبعدين الموا د الجافه ننخل كل من الطحين والكاكاو والنشا والبكن باودر والصودا ونظيفهم على المواد السائلة ونخليهم بقالب مستطيل ونخليهم بالفرن
صلصة التوفي /1كوب سكر نخلي على النار الى ان ايصير لونه اشقر نضيف قشطة وقطع زبدة ونحرك الى ان يمتزج ونعوفها
من يبرد الكيك نقطعه الى قطع متساويه اني قست على المسطرة علمو اضبطهم وخليتهم على مشبك وجواهم صينية علمود استفاد من الكل وغطيتهم بصلصة التوفي اول شي وخليتهم بالثلاجة ساعة وبعدين طلعتهم ضفت الشوكلاته المذابة وي الكريمة عليهم هم على المشبك علمود ميتخربط شكله وتركتهم بمكانهم ساعة بعدين جبت ماعون بي شوكلاته مذابة وشلت الحبات وكعدتهم على الشوكلاته لان الطبقة الجوه متغلفت وهم عفتهم نص ساعة وبعدين زينتهم بمبروش وطلعن رررووووعة
جربوهن مو صعبة فكرة حلوووة وسهلة وغير عن المالوف وحبوهم الجهال والمعلمات علما ان القالب المستطيل يكون 40حبة اذا على قياس المسطرة لان متضبط الا بالمسطرة
