كاس الفراك_
كل شي بيه اتغير وصاير قديم..
حتى لون الورد غير لونه
البلابل مابعد تعزف نشيد..
والفجر ذبل الشوك عيونه
ومابعد اسمع صدى اللهفة بجنون..
ولاافكاري البعشك مجنونة
ولايمر ليلي بسهرواغفة بطيوف..
ولاصبح يسالني حلمي شلونه
ولاشفافي اتنكط لشفتك حنين..
ولابعد شمات ويحسدونة؟
ولاسوالفنة تسولف بيه ناس..
ولانخاف من الهوى يحرمونه..
ولاتخاف اهلك يلومونك علي..
طيش واطفال الهوى يسمونه؟
راحت الضحكة التهز طاري الدموع..
وخضر الليل وكبر بظنونة..
شربوك بكاس فركتنة ورويت..
وانة سكران..بغيابك دونه..
وبدلوا صوتك..حجيت بغير صوت..
كتلك اشصاير..كلت باعونه؟
وهسة تسالني شبقة بروحي عليك.؟
روح مهجورة..وصور مدفونة؟
وشيب ياكل راسي.
والحسرة دليل..
والنهاية بفركتك مضمونة؟
وانتهينا بقصة متروسة ضياع...
بكل مساحة من الدمع يلكونه...
الشــاعر خالد الفراتي
كل شي بيه اتغير وصاير قديم..
حتى لون الورد غير لونه
البلابل مابعد تعزف نشيد..
والفجر ذبل الشوك عيونه
ومابعد اسمع صدى اللهفة بجنون..
ولاافكاري البعشك مجنونة
ولايمر ليلي بسهرواغفة بطيوف..
ولاصبح يسالني حلمي شلونه
ولاشفافي اتنكط لشفتك حنين..
ولابعد شمات ويحسدونة؟
ولاسوالفنة تسولف بيه ناس..
ولانخاف من الهوى يحرمونه..
ولاتخاف اهلك يلومونك علي..
طيش واطفال الهوى يسمونه؟
راحت الضحكة التهز طاري الدموع..
وخضر الليل وكبر بظنونة..
شربوك بكاس فركتنة ورويت..
وانة سكران..بغيابك دونه..
وبدلوا صوتك..حجيت بغير صوت..
كتلك اشصاير..كلت باعونه؟
وهسة تسالني شبقة بروحي عليك.؟
روح مهجورة..وصور مدفونة؟
وشيب ياكل راسي.
والحسرة دليل..
والنهاية بفركتك مضمونة؟
وانتهينا بقصة متروسة ضياع...
بكل مساحة من الدمع يلكونه...
الشــاعر خالد الفراتي
