نص كيلو لحم مفروم دهين + 2 حبة بصل +2 حبة فلفل اخضر بارد + 2 حبة طماطة + ملح فلفل اسود والسبع بهارات + 2 ملعقة معجون + 1 ملعقة سماك + نص كوب دبس الرمان ونص كوب مي + كرفس مثروم + 1 ملعقة طحين
الطريقة /
اخلط اللحم المفروم وي الكرفس المثروم وي البصل المقطع وملح وفلفل اسود والطحين واعجنهم واشكلهم على شكل اصابع بصينية الفرن وادخلهم للفرن ربع ساعة فوك وجوة واطلعهم
الخلطة /
احمس بصل جوانح وي فلفل اخضر جوانح وي الطماطة وشوية فلفل اسود وملح
احتاج 2 خبزة اجيب التبسي ادهنه بشوية زيت واخلي الخبزة الاولى واخلي نص مقدار البصل والفلفل الاخضر والطماطة وبعدين اصف الكباب واضيف المقدار الثاني من البصل والفلفل والطماطة
اضيف الخبزة الثانية على الوجه
اسوي خليط من 2 ملاعق معجون الطماطة وي نص كوب مي وي نص كوب دبس الرمان و1 ملعقة سماك وملح اخلطهم واصبهم فوك الخبزة وادخلهم للفرن نص ساعة ولااروع منه جربوه ايخبل وبالف عافية
