كتلي من تعطش ترويك الجفوف
كتلي من تعطش ترويك الجفوف
وهذا انه العطشان وين اجفوفك ؟
وكتلي من تستاحش ابروحي تطوف
شو علي شحيت حتى اطيوفك
وكتلي لو عينك طفت .. بعيوني شوف
وشفت كل الناس بس ما شوفك
وكتلي أمن لا يجي ابالك الخوف
وماعرفت الخوف إلا بخوفك
وكتلي برموشي جرح كلبك يروف
شو كبر جرحي وزغر معروفك
وانه ادري ارموشك أمضه من السيوف
اشجاب كلبي وطاح بين اسيوفك
أوف من حبك ألف مليون أوف
وانه مدري اشكاضني وماعوفك
مثل غركان ويدور عالجروف
حظه ابموته .. وماحظه بجروفك
وصار ملكانه اسطوانه اعله الرفوف
وحبنه مات ...استشهد اعله اجفوفك
بس مراسيلي بكت عندك اضيوف
اشما حلالك انت حر بضيوفك
وهاك اخذ كل الرسايل والظروف
وكل تصاويرك هذن بظروفك
وانه ماجدي العشك جدوة حروف
حروفك لحالك اخذها احروفك
انت ماغريتني ابشكر الزلوف
الشمس هم تشبه لشكر ازلوفك
ولا بحسنك شو مثل حسنك الوف
ولو نفنوف الحسن نفنوفك
ياللي بالحب طمعت كلبي الخذوف
ولعبت طوبه ابكلب مخذوفك
دورت مكه ونجد وارض الهفوف
حتى انسه ولا اظل ملهوفك
وين وصلت بالظلم وياي شوف
تخفي تنكر .. تظلم الله يشوفك
وراح اكر كلبي مثل كرت خروف
حتى مايرفس.. حنين لشوفك
عاد ياچذاب لو رايد تعوف
عوف بس تالي تعظ اجفوفك
كتلي من تعطش ترويك الجفوف
وهذا انه العطشان وين اجفوفك ؟
وكتلي من تستاحش ابروحي تطوف
شو علي شحيت حتى اطيوفك
وكتلي لو عينك طفت .. بعيوني شوف
وشفت كل الناس بس ما شوفك
وكتلي أمن لا يجي ابالك الخوف
وماعرفت الخوف إلا بخوفك
وكتلي برموشي جرح كلبك يروف
شو كبر جرحي وزغر معروفك
وانه ادري ارموشك أمضه من السيوف
اشجاب كلبي وطاح بين اسيوفك
أوف من حبك ألف مليون أوف
وانه مدري اشكاضني وماعوفك
مثل غركان ويدور عالجروف
حظه ابموته .. وماحظه بجروفك
وصار ملكانه اسطوانه اعله الرفوف
وحبنه مات ...استشهد اعله اجفوفك
بس مراسيلي بكت عندك اضيوف
اشما حلالك انت حر بضيوفك
وهاك اخذ كل الرسايل والظروف
وكل تصاويرك هذن بظروفك
وانه ماجدي العشك جدوة حروف
حروفك لحالك اخذها احروفك
انت ماغريتني ابشكر الزلوف
الشمس هم تشبه لشكر ازلوفك
ولا بحسنك شو مثل حسنك الوف
ولو نفنوف الحسن نفنوفك
ياللي بالحب طمعت كلبي الخذوف
ولعبت طوبه ابكلب مخذوفك
دورت مكه ونجد وارض الهفوف
حتى انسه ولا اظل ملهوفك
وين وصلت بالظلم وياي شوف
تخفي تنكر .. تظلم الله يشوفك
وراح اكر كلبي مثل كرت خروف
حتى مايرفس.. حنين لشوفك
عاد ياچذاب لو رايد تعوف
عوف بس تالي تعظ اجفوفك
