كشخة عرس

[ابو مناف البصري]

((( كشخة عرس )))
**************
اليوم شافتني المره.... امهندس تمام
يختلف شكلي وكياني........عن أمس

لابس اعكالي..... ومثل فحل الحمام
وعندي ويه الكشخه.....تعلوم ودرس

اليوم عطله........ و مبتعد عن الدوام
وتوني شفت خيوطها بحوشي الشمس

انخطف لون الصاحبه......ووكفت قيام
واني كلبي........ بضيجة الخاطر يحس

صبحتني ب( ها )شكو؟... بعد السلام
شو امعدل ارويحتك........هذا اللبس

اني اعرفك....... كون عندك أمر هام
تكطع ادروب الهوا....... وبالك يطس

بروح ابوك...... اشمحرز بكلبك وظام؟
شو اشوفن كشختك.... كشخة عرس

عندك اوحيده....... يبعد اهلي وعمام ؟
هاي توجيهية غوه....... وشهر الدبس

ماحجيت......... .... وارزمت عن الكلام
بثوب الامكالب والامعاتب........ مرس

لاوحتها............. املاوح الجف اويجام
وشاورتها......... ومامش اصياح بهمس

جبت عمري وداعتج....... عام اعله عام
بين ظيم المرض........ واسنين العلس

هسه تالي ماتله.............. انوي الولام؟
لا يخويه الشيب......... ما يهوه الونس

صمت عن الشهوه..... وامكمل الصيام
ودافع اسنين العمر....... كلهن خمس

رايح امحي ذنوبهن......... واطوي اللثام
وعمت عين الدنيا.......... ماتسوه الفلس

.............. حسين الشيباني..............

 

[ملكة]

سلمت على الموضوع
دمت بخير وعافية