روح ابعد راح انساك .. ماريدك تبقى تحبني
داويت جروحك بيدي .. تالي انته بأيدك تجرحني
خلي تفيدك ضحكاتك من تضحك واني ابجي دموع
مليتك لا ماسمعك اترجاك انهي الموضوع
تتحارش بيه شلونك يمعود مو تعرف زين
شفتك مطبوعة بشفتي واثارك صارلها سنين
ماتكدر تعله عليه وتعرف اني المسويك
عايش بالدنيا بفضلي لتخليني انهيك
وجهك ماريد اشوفه .. حبك من هسة اعوفه
احسن تتركني بوحدي وجرحك عادي بوحدي اروفه
من تغفى ببين احضاني جنت الجنة اني مراويك
رافع راسك ومكبرك محد يكدر يندك بيك
جنت افراح اني انطيك واخذ من صدرك اهات
بس حبك ضاع بأيدك منك طار وراح وفات
طارت من بالي محبتك ما ترجع تعذرني شلون
وجهين وشايل كلبك واعرف كلبك صعبه يصون
صــعبه يصون كلبك .. تجرحني وتغدر بيه وماهمك .. تجرحني
وشلون ارتاح .. وشلون ارتاح .. تجرح بيه كل يوم شــــلون
وابــعد .. ابــعد امشي روح ماريد .. ماريد
حبــك لا ميفيد
روحي بأيدك تجرحها تستاهل يله افضحها
خلي بأسمي تصيح جروحك خل كل العالم تسمعها
جنت اني من اوكف يمك رافع جوايه اني الكاك
بس بعد الي سويته شتتوقع راح ابقه وياك؟
تجرحني وحضنك خنجر .. ابقى وياك شلون اكدر
اني الداويت جروحك كل تعبي بحبك ما غزر
لو تغــرك هسة كبالي مامد جفوفي يطلعوك
موكتلي ما احتاجك خلي الرحتلهم يجوك
خلي دموعك بعيونك يالتستاهل كل الصار
مو كايلك تتأذى لمن تتقرب للنار
مامتوقع تهواها تحب انسان الي يأذيك
دبقــى عالنار اتكلب ملعون اليجي يطفيك
تستاهل كله من ايدك انته الي خنت ومشيت
اتجازة بطعنه خنجر عود اني الي وعود انطيت
شكرا ما اعتب المن .. اسكت وانساك و احسن
احسن شي اترك حبك من عنده هوايه تأذيت
شلون ارتاح .. وشلون ارتاح .. تجرح بيه كل يوم شــــلون
وابــعد .. ابــعد امشي روح ماريد .. ماريد
حبــك لا ميفيد
