كلمات اغنية حنا سعوديين ماجد الرسلاني مكتوبة
حنا سعوديين سقم المعادينعدونا نسقيه كاس الاهانة
الصوت واضح والمعاني موازين
والشعر يطنخ لا طغى عنفوانه
حكمة رجالا بالشجاعة ميامين
كلام فيه انغام وادان دانه
طز بشوارب خاينين القوانين
وطز بشنب من حط قدره وشانه
يا هافي الذمة ترانا مطفين
نموت كفوو ولا نعيش بمهانة
ندوس روس اللي علينا حقودين
ونقطع لسان اللي يطول لسانه
عساك يا جاهل وفانا عمى العين
حنا عطانا الله وفانا وصانه
اعقب ترا مثلك عن الدرب غادين
وافهم وخلك من علوم اللعانة
شوفنا تحت حكم النشاما موالين
والعلم ثابت لاتسابق اوانه
الله خلق خلقه على الشرع والدين
وحنا هل التوحيد واهل الديانة
حنا بوقت الحرب غرن ميامين
ناطى على خشم العدو في مكانه
ندك داره بالرجال العديمين
نحط مثله عبرتن في زمانه
وذود دون الدار فعل وبراهين
نارد حياض الموت صدق وامانة
نجز عن العز روس الشياطين
نلعن ثوى من يعتدي في كيانه
بقيادة اللي من سلاييل سلاطين
اللي منح شعبه وقار وتكانه
اللي لايمن فز شعبه ملبين
نفداك يا روح الفخر واتزانه
سلمان رمز الحزم والعزم واللين
الي يعرف الكون قدره وشانه
اللي خدم لله والدين بيتين
فداه شعبه بالوفى وامتنانه
وولي عهده في عيون الملايين
مخزون طيب ولا يخيب اختزانه
محمد ولد سلمان رمز العزيزين
الي قهر ربع الردى والخيانة
ولاة امر المملكة بالميادين
شجعان فيهم للكرامة حصانة
فداهم الشعب السعودي من سنين
ما همهم جور الزمن وامتحانه
شعب بوقت الحرب والضرب صلبين
دون الوطن فيهم ثبات ورزانه
من يعتدي لا يحسب انا مقفين
حنا التصدي للعدو وامتهانه
يا دار حنا للشهادة عناوين
نطلب رضى الله وانتمنا جنانه
ولا رفرف الخفاق في راية الدين
حنا هل التوحيد واهل الديانة
