كلمات اغنية قصة كفاح محمد سلطان
انا مبقتش حاجه من لا شيء ولا من فراغدا تعب سنين جري وشقي وتشغيل دماغ
عملت نفسي بنفسي وم الصفر ابتديت
لحد مامسكت بإيديا حلم ياما مني زاغ
انا الدليل علي ان في حاجه اسمها قصة كفاح
وان اللي يتعب طول حياته مسيره يوصل للنجاح
تعبت واتذليت كتير في حياتي وعانيت
متبصوليش دلوقتي بعد مابقيت حاجه ومرتاح
انا جبتها من تحت شقيت و كافحت
عشان بس اوصل لمكاني
عاندت أوحت لا يوم ريحت
ولا استسلمت لأحزاني
عافرت صبرت واديني وصلت
وفي الاخر ربنا اهو إداني
انتوا ياللي بتحسدوني عشان بقيت وسط النجوم
كنتوا فين وانا ضهري محني ومن الشقي مقسوم
واما كان بيجي وقت
عليا ببكي من الهموم
واما كنت بنام قتيل وم التعب مقدرش اقوم
كل قرش في جيبي حقي
و رزق ناس ياما ف رقبتي
وحمل شيلته فوق كتافي
ضحيت عشانه ياما بسعادتي
وأم ليل ونهار بتدعي
لربنا ينفخ في صورتي
وذل شفته كتير بعيني
من ناس كانت مش عارفه قيمتي
