ادور على اليشبهك واحجي وياه
واغمض واحس روحي كمت احاجيك
كل ساعة اغلط بـ أبٍسـمك واسمي
واحلــف بعـد ما اغلط وسميك
اليشبـهك يبتلـي بلـوة اني ابلـي
مثل ما جنت بلوة اني باليك
اضل من كَلبي اطلعلة مواضيع
واقرالة مثل ما جنت اقريك
اخلي كوة روحي تنجبر بي
وانـا شما كَلبتني منجبر بيك
انومة بحضني الوليلة واغفي
بنفس الحضن ذاك الجنت ادفيك
وانتة بعيد اكول يجوز جوعان
واغص بالزاد لمن يمر طاريك
وانتة بعيد اكول يجوز بردان
واغطي صورتك كل عقلي ادفيك
شحجيلك ولك شمسوي الفراك
الحجي ميفيد من ترجع لراويك
افوت بكل درب ماشي انا وياك
اضل اذكرك وياي احس بيك
واخاف وما اسألك انتة مشتاك
حبيبي براحتك راح اني اخليك
اخاف تكول ما مشتاك وشلون
اموتن من حسرتي وانتحر بيك
ومـا اسألك عرفت افلان وفلان
هاي اسألة تخوف ليش احجيك
تذكر من كتبنة نبقة للموت
على حايط واذا تيهت ادليك
اني شاهدي حايط بقة وياي
شجاك انتة وعفتني شمالك شبيك
واغمض واحس روحي كمت احاجيك
كل ساعة اغلط بـ أبٍسـمك واسمي
واحلــف بعـد ما اغلط وسميك
اليشبـهك يبتلـي بلـوة اني ابلـي
مثل ما جنت بلوة اني باليك
اضل من كَلبي اطلعلة مواضيع
واقرالة مثل ما جنت اقريك
اخلي كوة روحي تنجبر بي
وانـا شما كَلبتني منجبر بيك
انومة بحضني الوليلة واغفي
بنفس الحضن ذاك الجنت ادفيك
وانتة بعيد اكول يجوز جوعان
واغص بالزاد لمن يمر طاريك
وانتة بعيد اكول يجوز بردان
واغطي صورتك كل عقلي ادفيك
شحجيلك ولك شمسوي الفراك
الحجي ميفيد من ترجع لراويك
افوت بكل درب ماشي انا وياك
اضل اذكرك وياي احس بيك
واخاف وما اسألك انتة مشتاك
حبيبي براحتك راح اني اخليك
اخاف تكول ما مشتاك وشلون
اموتن من حسرتي وانتحر بيك
ومـا اسألك عرفت افلان وفلان
هاي اسألة تخوف ليش احجيك
تذكر من كتبنة نبقة للموت
على حايط واذا تيهت ادليك
اني شاهدي حايط بقة وياي
شجاك انتة وعفتني شمالك شبيك
