6 كوب طحين..كوب حليب بودره..كوب ونص زبد ودهن حر مذوبين ومخلوطين..ملعقه كوب مسح خميره..رشه ملح..ملعقه كوب مليانه سكر..كوب ونص ماء او حليب سائل ممكن اكثر او اقل شويه حسب نوع الطحين..خلاصه الهيل او ممكن هيل مطحون بس اني احب استخدم خلاصه الهيل حتى العجينه تبقه بيضه وصافيه...صفار بيضه وشويه روح الهيل او فانيلا او نسكافي للوجه
نخلط الطحين والحليب ورشه الملح والي يحب يستعمل هيل مطحون او حوائج كليجه يخلطهه مع الطحين بهاي المرحله...نذوب الزبد ودهن الحر...نذوب السكر والخميره بمقدار الماء او الحليب السائل على ان يكون دافي ونتركه يتفاعل..وبعد ماتتفاعل الخميره نضيف روح الهيل
هسه نبدي نضيف الزبد ودهن الحر على خليط الطحين والحليب الباودر ورشه الملح ونفركه بيدنه حتى يصير مفتفت بعدين نبدي نضيف الحليب او الماء بالخميره ونعجن حتى تتماسك العجينه ونغطيهه ونتركهه تتخمر مده ساعه في مكان دافي وبعدين نبدي نكورهه ونحشيهه بحشوات مختلفه مثل التمر منزوع النوى معجون مع شويه زبد وهيل ودارسين وممكن نفس عجينه التمر نخلط وياها جوز مكسر...او ممكن نسوي حشوه جوز وسكر وهيل ودارسين وشويه ماء ورد...او حشوه حلقوم...او حشوه فستق حلبي مع سكر وهيل ودارسين وشويه ماء ورد
بعد مانشكل الكليجه بالقوالب الخاصه بيهه نمسح وجهه بخليط من صفار البيض مع شويه من(اما روح الهيل او فانيلا او نسكافي مذوبه بشويه ماء) وندخلهه الفرن مسبق التسخين على حراره متوسطه حتى تتحمر
