- البنية اللي جان محد يحبها بالمدرسه .. هسه عدها زوج وأطفال يحبوها
- الولد اللي جانو يكولون عليه "خبل وأثول وفاشل " .. هسه عنده عمل بأرقى الشركات العالمية
- البنية السمينه كلش اللي محد جان يباوعلها وينظرولها بنظرة شفقة وأستهزاء .. هسه ضعفت ومشتركه بمسابقة ملكة الجمال -الولد اللي جان عنده كرش .. هسه هو بطل كمال أجسام
-البنيه اللي جانت مصاحبة ولد هوايه .. هسه متزوجه وعدها اطفال
-البنيه المحافظه على نفسها وبنت ناس وعوائل .. بعدها الى الان عزباء
- الولد اللي جان بكل الدوروس أعفاء بالاعدادية .. هسه كل سنه يعيدها بالكلية
- البنيه اللي جابت معدل عالي بالسادس ودخلت كلية عالية ... كاعدة هسه بالبيت مامتعينه
- الولد اللي دخل اختصاص مايحبه وكليه عاديه وغير مرغوبه .. اتعين بمكان حلو
- البنيه اللي اتزوجت وهي صغيرة والكل كال عفيه ع امها زوجتها من وكت وخلصت .. هسه اطلكت
-الولد اللي جان مدمن مخدرات وشرب ونسوان .. هسه ملتزم ويخاف الله
- البنيه اللي اتاخرت قسمتها وصار الكل يعيرها ويكوللها عانس ومحد يكلبج .. هسه مخطوبه لاحسن رجال يقدرها ويحبها
_اللي سبقك بالزواج .. لحد هسه مامخلف
_اللي اتاخر بالزواج .. خلف بنت وولد
_اللي يكره الاطفال .. رزقه رب العالمين بتوأم
_اللي رايد ولد .. اجته بنيه
- اللي راد بنيه .. اجاه ولد
بأختصار : كل واحد ياخذ نصيبه من هالدنيا بالقدر اللي يستحقه
لذلك كافي تتفرج على حياة الناس وتطلق احكام عليهم وتنشغل بحياتهم لان ماكو شي يبقى على نفسه بين ليلة وضحاها رب العالمين يغير الحال من حال الى حال لان ماكو واحد احسن من واحد
انشغل واصلح نفسك عسى ان تكون سبب باصلاح الاخرين للاحسن
