لأصحاب الذوق الرفيع shabby chic
شابي شيك هو شكل من أشكال التصميم الداخلي الرائع ... حيث يتم اختيار الأثاث والمفروشات نظرا لقدمهم وظهورعلامات البلى والقدم عليهم..
البعض يسمي هالستايل بالأنتيك أي القديم أو الطراز الفكتوري نسبة لملكة بريطانيا فكتوريا واستخدامها لهذا الطراز أو الستايل الذي مازال حتى الآن يستخدم ...
يغلب على هذا الستايل اللون الأبيض المطفي أو مايطلق عليه الأوف وايت مع تدخيل بعض الزخارف والنقوش عليه وتكون الاقمشه مشجرة أو مورده
وأحيانا الكاروهات أو المنقطة والمقلمه والمشغولة بالدانتيل وأحيانا أخرا تكون مزيج من هذاوذاك..
يغلب على هذا الطراز الفخامة والأناقة ويعطيك إحساس بالدفء والرومانسية والرقي لأنه طراز الملوك القدماء هذا غير الجمال الذي يبرز بكل قطعه فيه ..
بتكلم في هذا الموضوع بشكل مبسط مع الصور وأشرح بعض النقاط للي يحبون يختارون أو ينتهجون هذا الستايل في غرفهم وبيوتهم..
بالأول خلنا نشوف هالستايل بغرف الجلوس والصالونات
لو نشوف لمحه سريعة على هالصورة بنشوف البساطه والاناقه وطغيان الاوف وايت على المكان والارضية الخشبيه الفاتحة "الباركيه" أعطت اتساع
في المكان وتدخيل الاقمشه المتناسقة سواء الكاروهات على الطاولة الصغيرة أو الخداديات السماويه على الكنبات
...وبنشوف بالسقف ثريا من الطراز القديم اللي يحسسك بالفخامة على الرغم من بساطة الأثاث وأيضا نشوف الستاير المشغولة من الدانتيل .
بالصورة هذي بنشوف بعد الكنبه الاوف وايت وعليها خداديات مشجرة والثانية مطرزه والثالثة مورده ونلاحظ الطاولة الخشبية كأنها قديمه ولكنها أضافت قيمه وأناقة في المكان..
في هالصورة مشابه للي قبلها وزي ماعرفنا من انتهاج هالستايل للأوف وايت وتدخيل الخداديات المشجرة والمقلمة وفيه الشمعدانات اللي خلف الكنب وفازت الورد اللي فوق الطاولة أضافت جمال ورونق للمكان..
هنا نشوف الجمال على أصوله بساطه وفخامة بنفس الوقت..
هنا عاد حبيت فكرة البانوهات اللي على الجدار والشمعدانات ..
هالجلسه هذي بحد ذاتها تحفه ...
هنا نستعرض بعض الطاولات والتسريحات والمكتبات
