لتدك باب جنت اتفتحه وتفوت
ولتمر ابّـشر ميريد ملكاك
انصحك ماتجيني اتغيرت دير
عرض اجتافك وشوفني مكفاك
جاي اتكلي حبك عاش لو مات
ونه مسوي ثواب العشرتي وياك
يالمّصخهه حيل الهزت الراس
ماخليت ذره امن الملح ذاك
على روحي اظم واحجيلك اسرار
وحلفك مايطلعن عتبت اشفاك
تفرعهن بنات كبال شمات
واجي والكاهه فرجه الهذا والذاك
وتضحكهم بجرحي ومايضحكون
وكولن عيب افشلك وضحك وياك
جاي بيا وجهه يالرايح بروح
أذكرك خاف وكتك غيري نساك
أسنيني البذرتهن بين الدروب
واحلامي التعبتهن من ضحاياك
ودموعي اليموتن برض الخدود
وهمومي اليعدلن برض ذكراك
وكسرة خاطري وطبت القرآن
البطل حوبته وتضلمني خلاك
وصلت الحد السذاجه وياك بالطيب
أجذب عيني اذا شافن خطاياك
وأظل ساكت جنت كدام قمصان
يجيبولي عليهن بصمت شفاك
مر أمواصلك بس لمن اتغيب
تفصل صفنتي اكدار اعله فركاك
تجي محمل عذاب استلمه وتروح
اقسه أمن العذاب الشفته بجفاك
شمصاحب قطار شبيك وياي
يهددني برحيلك صوت ملكاك
ومو طبعي الكباحه وهيج احاجيك
ولكن ذله بيهه أمن ارجع اهواك
روح وعود لاتدعيلي بالخير
بس ادعيلي بلكت اكدر انساك
للشاعر الشاب
القدير *,, رائد أبو فتيان ,,*
ولتمر ابّـشر ميريد ملكاك
انصحك ماتجيني اتغيرت دير
عرض اجتافك وشوفني مكفاك
جاي اتكلي حبك عاش لو مات
ونه مسوي ثواب العشرتي وياك
يالمّصخهه حيل الهزت الراس
ماخليت ذره امن الملح ذاك
على روحي اظم واحجيلك اسرار
وحلفك مايطلعن عتبت اشفاك
تفرعهن بنات كبال شمات
واجي والكاهه فرجه الهذا والذاك
وتضحكهم بجرحي ومايضحكون
وكولن عيب افشلك وضحك وياك
جاي بيا وجهه يالرايح بروح
أذكرك خاف وكتك غيري نساك
أسنيني البذرتهن بين الدروب
واحلامي التعبتهن من ضحاياك
ودموعي اليموتن برض الخدود
وهمومي اليعدلن برض ذكراك
وكسرة خاطري وطبت القرآن
البطل حوبته وتضلمني خلاك
وصلت الحد السذاجه وياك بالطيب
أجذب عيني اذا شافن خطاياك
وأظل ساكت جنت كدام قمصان
يجيبولي عليهن بصمت شفاك
مر أمواصلك بس لمن اتغيب
تفصل صفنتي اكدار اعله فركاك
تجي محمل عذاب استلمه وتروح
اقسه أمن العذاب الشفته بجفاك
شمصاحب قطار شبيك وياي
يهددني برحيلك صوت ملكاك
ومو طبعي الكباحه وهيج احاجيك
ولكن ذله بيهه أمن ارجع اهواك
روح وعود لاتدعيلي بالخير
بس ادعيلي بلكت اكدر انساك
للشاعر الشاب
القدير *,, رائد أبو فتيان ,,*
