للقلب حكاية

[ابو مناف البصري]

ولك خل نئتلف واتحد آني اوياك
آني بشوك روحي ، وانته بلعندك
ونأسس تحالف بالجسد والروح
ونحلف بالعشك تسعدني وأسعدّك
ونشكل كتلة وحدة وما نظل اثنين
ولا يتميز زندني عن زندك
وافتحلك حزب من قبل ما مفتوح
واكعدك عالعرش وآني اكعد بسدّك
ونمارس السياسة بمختلف الاشكال
والشكل الما يعجبك ، شطبه من عندك
وحزب حبنه الموحد يصبح العنوان
شعاره ( العشك حق )
واهدافه (أشم عطرّك )
ونشيده الوطني ( زيديني عشقاً )
والعلم ( أبيض ) مثل جلدك
ونكتب عليه ( الله ما أحلاك )
ونحط نجمات ( تشبه شامة البخدّك )
ونكوّن دولة ابد ما بيهه كل حرمان
ولا بيهه كبت ، ومتردني ، وماردّك
ونسن دستورنه وفقراته بس ومضات
أصوغهن شعر من شفتك وخدّك
وأحلف ما أخالف حرف بالدستور
وأقسم بالشفايف حبي الك وحدك
الرئاسات الثلاثة بأمرك وبيديك
ميزيدن شرف شرّفني أظل عبدك
ديمقراطي آني وانته تكنو قراط
يعني الراي الي والحكم من عندك
بوزارات السيادة أمحالل وماهوب
أوقعلك وأبد لتفكر أضطهدك
بس منصب سيادي واحد أطمع بيه
وزير بداخليتك وبعد. ماريد شي من عندك

....... .............للقلب حكاية............. ...........

 

[عبد الرحمن]

طرح قيم
تسلم الايادي