جـــام الشــرف
طفله عدهه وفارشه الليل الطويل
أعله الرصيف تبات مامرهه الترف
تنام من تغفه السكارى بتالي ليل
ومن صباح الله يگّعدهه الشرف
صاحبة حرفة- ألا هل من شريف-
يسد نزاع الجوع يصحاب الحرف
فوگ منهه قصور تضحك عالفقير
بكثر ماشافت برد بيهن غرف
ومن تفك الشُرف نسوان القصور
تلالي دمعتهه أعله وجنات الشُرف
ومدت الچف وأنكسر جام الحياء
ومسحت الدمعه ولحم خدهه أنجرف
وساوموهه.. الشرف.. صاحت-بتّ أبوي-
ورفت الشيله وعلم عالجبهه رف
وتذبل بگد ماعليهه يعاينون
وتستحي بگد ماوجه چفهه انعرف
تصيح. تكسر خاطره ويبچي الرصيف
وفوگ صدره توازت وياهه السرف
وخيط صارت والمرض سچينه حاد
وطرف كضه الموت والعفه بطرف
وأنحنت سنبله وحل وكت الحصاد
والمناجل من بِعد توميلهه
توادعت وي بتهه يم باب الرصيف
ووصته.. لو نامت يلوليلهه
ووصت الطفله الشرف بالچ يطيح
أنطتهه شيلتهه وسترهه وحيلهه
طفله وإحتارت تودع أمهه بيش
تبوس أديهه! تلم دمع! تبچيلهه!
ساعه تبچي وساعه تضحك عالدموع
وساعه تحچي وساعه يوگف ميلهه
من تشوف اطفال.. توگف عالجروح
ومن تحس بالجوع تلكد خيلهه
وكبرت الطفله وزغر بيت الرصيف
أحلامهه أتحدى السمه تكفيلهه
ومالگت فارس يضمهه أبين أديه
ومن تصيح جروحهه يغنيلهه
گامت منّ أتنام تكفر بالحياة
ومن تشوف اثنين تلعن جيلهه
وذبلت شفاف الترافه من الصياح
وذبل بيهه الصبح وانهد ليلهه
چفهه يرجف من تلامسهه الچفوف
ويشتعل غيره ويرد يشكيلهه
وتستحي تمد أيدهه گامت تخاف
وخلت چفوف الدمع تحچيلهه
شوف هاي شلون غيرتهه عله ذيچ
وشوف ذيچ شلون عصرت ليلهه
ذابله ومادنگت راس امهه يوم
اطيح شيلتهه وشرفهه يشيلهه
عين خلت للدمع وبصفهه عين
أعله العبايه الماتدنس ذيلهه
كوخ مالازم قصر يهل القصور
ومن براميل النفط نبنيلهه
هاي لازم موعلى هام الرؤوس
فوگ دستورالعراق نشيلهه
فوگ دستورالعراق نشيلهه
طفله عدهه وفارشه الليل الطويل
أعله الرصيف تبات مامرهه الترف
تنام من تغفه السكارى بتالي ليل
ومن صباح الله يگّعدهه الشرف
صاحبة حرفة- ألا هل من شريف-
يسد نزاع الجوع يصحاب الحرف
فوگ منهه قصور تضحك عالفقير
بكثر ماشافت برد بيهن غرف
ومن تفك الشُرف نسوان القصور
تلالي دمعتهه أعله وجنات الشُرف
ومدت الچف وأنكسر جام الحياء
ومسحت الدمعه ولحم خدهه أنجرف
وساوموهه.. الشرف.. صاحت-بتّ أبوي-
ورفت الشيله وعلم عالجبهه رف
وتذبل بگد ماعليهه يعاينون
وتستحي بگد ماوجه چفهه انعرف
تصيح. تكسر خاطره ويبچي الرصيف
وفوگ صدره توازت وياهه السرف
وخيط صارت والمرض سچينه حاد
وطرف كضه الموت والعفه بطرف
وأنحنت سنبله وحل وكت الحصاد
والمناجل من بِعد توميلهه
توادعت وي بتهه يم باب الرصيف
ووصته.. لو نامت يلوليلهه
ووصت الطفله الشرف بالچ يطيح
أنطتهه شيلتهه وسترهه وحيلهه
طفله وإحتارت تودع أمهه بيش
تبوس أديهه! تلم دمع! تبچيلهه!
ساعه تبچي وساعه تضحك عالدموع
وساعه تحچي وساعه يوگف ميلهه
من تشوف اطفال.. توگف عالجروح
ومن تحس بالجوع تلكد خيلهه
وكبرت الطفله وزغر بيت الرصيف
أحلامهه أتحدى السمه تكفيلهه
ومالگت فارس يضمهه أبين أديه
ومن تصيح جروحهه يغنيلهه
گامت منّ أتنام تكفر بالحياة
ومن تشوف اثنين تلعن جيلهه
وذبلت شفاف الترافه من الصياح
وذبل بيهه الصبح وانهد ليلهه
چفهه يرجف من تلامسهه الچفوف
ويشتعل غيره ويرد يشكيلهه
وتستحي تمد أيدهه گامت تخاف
وخلت چفوف الدمع تحچيلهه
شوف هاي شلون غيرتهه عله ذيچ
وشوف ذيچ شلون عصرت ليلهه
ذابله ومادنگت راس امهه يوم
اطيح شيلتهه وشرفهه يشيلهه
عين خلت للدمع وبصفهه عين
أعله العبايه الماتدنس ذيلهه
كوخ مالازم قصر يهل القصور
ومن براميل النفط نبنيلهه
هاي لازم موعلى هام الرؤوس
فوگ دستورالعراق نشيلهه
فوگ دستورالعراق نشيلهه
![3x3[1].gif](http://www.f-iraq.com/vb/images/icons/3x3[1].gif){kind=icon}
