بعد مابيها ضـــــوه الكراده
بيها ملك الموت هو الناده
....................................
طافيــــه وهيمه اصبحــت مابيهــــا عيد
بيها ملتــــم الحطــــــب فــوك الشهيد
هذا يــــوم الحاطمــــــه ويــــوم الوعيد
المــــوت يتخير اذن للراده
...............................................
يالشــوارعهه انملــــت ليــــل ودمــوع
شنهو فايدتـه الشعل بيهـــــا الشموع
الليله جـــم والـــد على اوليـــده يلوع
عود يكبر حتى ينطي مراده
...............................................
نـــار تلهـــب يـــاخلك وســــط الدليل
اشلون هسه الفاكــــــده اولاد وخليل
ليلها يسودن ....عليها شكــــد طويل
حالها بيـــــن القهر يتـراده
...............................................
ياجـــرح كلـــــولي يتــــداوه ويطيــب
جرحه مايشفــه الذي مفــــارك حبيب
ماكو حاجه انعرضه احنه اعله الطبيب
ماتت بيوم الفـــــرح اعياده
.............................................
حيل مأســـاوي الوضع عدنـــه وفضيع
وسفــه لاحكنــــــه اليفجـــر عالرضيع
سهله صار ابن البلــــد لمــــن يبيــع
ارواحنه لبره ويفرج اسياده
..............................................
بقلمي
