ماتگدر تجينه امحنيه رجليها
بلوه الكهرباء وشلون تاليها
ماتگدر تجينه وطبع دلوعه
بس ساعه تهل والخمسه مگطوعه
واحنه الصيف اجانه شحلو موضوعه
الروح بيا مكان اوّين اوديها
ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلها بحرّه يگضيها
ما تگدر تجينه وخايفه علينه
حكمتها هوا التبريد ياذينه
ديدنها تحبنه ودوم توصينه
سبلتكم قناعه فياي يغنيها
ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأءك خل عزتك بيها
ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريها
ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليها !!
ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وافرش علسطوح عذيبي تلگيها
ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيها
ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريها
ما تگدر تجينه وانتو خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديها
ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليها
ما تگدر تجينه والجروح كبار
خل الشعب ساكت يسمع الاخبار
واحد لزم كرسي وثاني شاله وطار
بس محد سأل علناس وشبيهـــــا
ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــا
ما تگدر تجينه وصايره هوايه
باليابان مرّه انطفت لحظايه !!
واحنه ارقام عدنه القطع بالمايه
وبدفتر جينس منهو اليجاريها
ما تگدر تجينه وشنهو الجاره
راح انصب عله البيتونه فرّاره
بلكي بهوا شرجي ولنهه دواره
ولأجواء نوبل أسمي يضويها
ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيها
ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويها
ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليها
ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفو اشگد جميله الوان تزهيها
ما تگدر تجينه محنيه رجليها
منقول
بلوه الكهرباء وشلون تاليها
ماتگدر تجينه وطبع دلوعه
بس ساعه تهل والخمسه مگطوعه
واحنه الصيف اجانه شحلو موضوعه
الروح بيا مكان اوّين اوديها
ما تگدر تجينه وشاغله الافكار
واليطلب الحسنه المهر بالدولار
تشرط قصر عالي امحوّط ابأسوار
والمايگدرلها بحرّه يگضيها
ما تگدر تجينه وخايفه علينه
حكمتها هوا التبريد ياذينه
ديدنها تحبنه ودوم توصينه
سبلتكم قناعه فياي يغنيها
ما تگدر تجينه والمكيف دوم
بي صارت كآبه وشال كومه هموم
تضحكله المهفه تگله جالك يوم
ارجع منشأءك خل عزتك بيها
ماتگدر تجينه والحكومه بخير
من يوم الاجت ما صار كل تغيير
لحظه والعقل يخواني مني يطير
ياهو من الوزاره لعلتي يدريها
ما تگدر تجينه محنيه حته الراس
والمسؤل يحلف والله والعباس
مضروبه المحطه شبيدي يا هلناس
صبرولي سنه ... عشرين خليها !!
ما تگدر تجينه والشعب داوي
خزّن ما يطيب الجرح شتداوي
اتحزم سبع يا خوي للواوي
وافرش علسطوح عذيبي تلگيها
ما تگدر تجينه والشمس تشوي
وفريزرنه خالي بس هوه يحوي
ووعود القياده وعود ما تروي
هيه اتريد امبيرين ننطيها
ما تگدر تجينه والمولد فار
مشكور اعله تعبه وكفو منه وبار
يوميه بعطل حته المصلح حار
يفتر صبح ليل وحته ظهريها
ما تگدر تجينه وانتو خو تدرون
عدنه شلون صيف يذوب الفافون
مو لعبة طفل متونس ابّالون
من ايطگ محول ظلمه يغديها
ما تگدر تجينه والگلب فرحان
أحنه اكثر بلد بالنفط والحرمان
وأحنه أسعد وطن محسود بالاوطان
من ناكل البيضه بچوله نگليها
ما تگدر تجينه والجروح كبار
خل الشعب ساكت يسمع الاخبار
واحد لزم كرسي وثاني شاله وطار
بس محد سأل علناس وشبيهـــــا
ما تگدر تجينه وطالت المده
گمت أحلم بواط بدربي يتعدّه
يا كبر الصداع براسي شيهيده
والآلام كثرت من يداويهــــــا
ما تگدر تجينه وصايره هوايه
باليابان مرّه انطفت لحظايه !!
واحنه ارقام عدنه القطع بالمايه
وبدفتر جينس منهو اليجاريها
ما تگدر تجينه وشنهو الجاره
راح انصب عله البيتونه فرّاره
بلكي بهوا شرجي ولنهه دواره
ولأجواء نوبل أسمي يضويها
ماتگدر تجينه ومجلس النواب
سوّاله اجتماع مقفل الابواب
گال الحل شعبنه ينزع الاثواب
وبدجله وفرات السبح ينسيها
ما تگدر تجينه الامم متحدات
تبحث بالعراق اوراق منشورات
وصلوا للنتيجه وأسف عاجل فات
گال ايران علنت عن نواويها
ما تگدر تجينه وفتحوا الجوال
ووراق العراق بسلة الازبال
يامسكين شعبي محطم الآمال
روحك طور( داخل) بس يسليها
ماتگدر تجينه وتوصل انّه اِلبيت
ديمقراط اجانه وهمر بالباكيت
من ماكو اناره عولمه ضويت
شوفو اشگد جميله الوان تزهيها
ما تگدر تجينه محنيه رجليها
منقول
