ابو مناف البصري
المالكي
اكو عجوز عايشة بالهور هي واولادها اثنين همه تچوتها وهمه چواديدها
يطيحون للهور يتصيدون ويجيبون القاسمة الله لامهم وعيالهم
يوم من الايام چهبها خطار من الولاية نسابتهم
وچانو الولد بالهور وهي موشلة غموس وماعدها فلوس تشتري
ظلت محتارة شسوي گالت خل اروح لبيت جيرانة
وگبل الجار كل شي تعتاز تتعنى عليه ومابيها هضيمة لان هو اخو
جارهم اسمه هويچل دگت عليهم الباب وحچت وياه
گالتله خوية معتازة دينارين على مايجون الولد من الهور عدنه خطار واريد اجيبلي غموس الهم
بس الجار ماوجبها ولاقدر الجورة گلها
-آنه منيلي هم يالله اصرف على عويلي
رجعت لبيتها مهضومة واكو صورة على الحايط حطت ايدها عليها وگامت تحاچيها
الصورة لامير المومنين علي يمن فدوة لاسمه
وين الله والكرار ويردهم بساع
حرمة ولفة الخطار ومالي فزاع
آنه وحيدة ياعلي وزلمي غياب
ولفه الخطار وكلهم اجناب
ياجار الاچهبه يطبگ الباب
وبس بابك ظلت مفتوحة
طلعت من البيت وگابلت الشريعة وعينها على الهور ومستحيه من الخطار شسوي
ولن تشوف البلم اگبل اعليها طافح من الهور
ولمن تگرب منها ولنهم وليداتها محملين خيرات الله عاد ساعتها هوست
بين بلمنه وبين الخير
وخيل اعنزة اعلى هويچل تغير
تنهب حلالة وتطلع اللير
وماقصر حيدر ويانه
ماقصر حيدر ويانه
وحاشاه ابو الحسن علي يقصر من الي ينخاه وهو حاضر الشدات وابو الفقراء والايتام
وكل شدة تگضي ورب العالمين مايگطع
صبحكم الله بالخير
#نوال_جويد
يطيحون للهور يتصيدون ويجيبون القاسمة الله لامهم وعيالهم
يوم من الايام چهبها خطار من الولاية نسابتهم
وچانو الولد بالهور وهي موشلة غموس وماعدها فلوس تشتري
ظلت محتارة شسوي گالت خل اروح لبيت جيرانة
وگبل الجار كل شي تعتاز تتعنى عليه ومابيها هضيمة لان هو اخو
جارهم اسمه هويچل دگت عليهم الباب وحچت وياه
گالتله خوية معتازة دينارين على مايجون الولد من الهور عدنه خطار واريد اجيبلي غموس الهم
بس الجار ماوجبها ولاقدر الجورة گلها
-آنه منيلي هم يالله اصرف على عويلي
رجعت لبيتها مهضومة واكو صورة على الحايط حطت ايدها عليها وگامت تحاچيها
الصورة لامير المومنين علي يمن فدوة لاسمه
وين الله والكرار ويردهم بساع
حرمة ولفة الخطار ومالي فزاع
آنه وحيدة ياعلي وزلمي غياب
ولفه الخطار وكلهم اجناب
ياجار الاچهبه يطبگ الباب
وبس بابك ظلت مفتوحة
طلعت من البيت وگابلت الشريعة وعينها على الهور ومستحيه من الخطار شسوي
ولن تشوف البلم اگبل اعليها طافح من الهور
ولمن تگرب منها ولنهم وليداتها محملين خيرات الله عاد ساعتها هوست
بين بلمنه وبين الخير
وخيل اعنزة اعلى هويچل تغير
تنهب حلالة وتطلع اللير
وماقصر حيدر ويانه
ماقصر حيدر ويانه
وحاشاه ابو الحسن علي يقصر من الي ينخاه وهو حاضر الشدات وابو الفقراء والايتام
وكل شدة تگضي ورب العالمين مايگطع
صبحكم الله بالخير
#نوال_جويد