مايلم الماي

[mohammed.shams]

مايلم الماي
..................
حزنت اسنين..
ماحصلت وهمان ....؟
ولا سمعان يشفيله الحزن داي ...
هجرته وكلت...
خلهه اتجور الايام..
وماهمن بعد عاليجري وياي...
نهه عنه العرش....
بآيات ال كتاب...
يصوب كل دليل ويفكد الراي....
بكتاب الله فقط...
مذكور مرتين...
إذن أحوط وجوبا تبعد بهاي.
خل ايمانك برب ...
السماوات..
والخالق اكيد اليرحم اهواي..
من تحزن شتجني...
غير الآلام....
التبده اعل الأرض مايلم الماي...
سد باب الضنون...
وعوف الافكار....
وللوادم ابد لتصير شجاي....
حرام الغير ربي...
أشكي الاحوال...
وغير الباري من يسمعهه شكواي
بح صوتي اشكثر...
ناديت الاصحاب...
تصم اذانهه وماتسمع انداي ...
الصله انكطعت حسافه..
ابين الارحام....
ولا واحد بكه وبي احسب ارجاي...
خلصت العمر...
آهات وهموم...
وادمنه مصالح ماكو وفاي....
عله الغارب تركته.
الحبلي للدوم...
واريح البال ماهمن عله الجاي..
عوف الحزن .
وارسم لوحة افراح. .
وخله بحزنه يعزف وحده الناي....
الحزن صدك ظلام...
يدوهن البال..
وانه الشمس الفرح اليوم شراي
.........................
بقلم الدغاري

 

[mohammed.shams]

مايلم الماي

 

[الرااااكد]

طرح جميل
سلمت الايادي

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير

 

[mohammed.shams]

يسعدني ويشرفني مروووووورك العطر
لك مني اجمل باقات الشكر والتقدير