مثل عثك التمر والنخل لاجله نطيح
لعيون النخل تمرة باثر تمرة
كبل لمتنة هاي وبرحي للماعون
نترس من صبرنه وتاكل الاسرة
خضتنة المنايا يوم جنا هناك
فوك على السواتر يم المحمرة
شافتنا ركض دون العزيزة نطيح
لا وين الزمن بزنودنة السمرة
نذرنا الروح لعيون الوطن حراس
يوم الكون واحدنة انحسب عشرة
صاحت ماشفت لاوالله هيج سباع
ذولة رجال الله لخيلهم شكرة
مثل دولاب سوانة الزمان الشوم
نتبع لليهودي ونقتدي بامرة
باطل ياعراق وحكي اهيل اتراب
يوم الفك يهودي اعصابت الحره
من كال الوطن صبره صبر ايوب
صبر ايوب صدك مالحك صبره
هاي اسنين يلهم بالحزن بسكوت
يكتم غيض دهره بصدره ويطمره
واكف كوة لكن بالكلب سجين
ينزف كوه يمشي وفالته بظهره
شيشوف الوطن داسو اترابه ايهود
ماعدهم شرف كلها ولد نكره
اني الحكي اعاتب ما اجيب اسماء
اني انخى العراقي الماقبل ينداس
ذاك الصار منخل للفشك صدره
دكوووم شبييك
دكوم شبيك ليغرك حجي الملعون
هذا الجاي يزرع بالطون شرة
هذا الصاح باذنك ذبحة خل نرتاح
واني اجيت اشارك فرحة الزهرة
وعشنة سو ماعون ملح وزاد
صعب تهون بيني وبينك العشرة
ولك خواااااااان من الله المحبة البيك
واني الشوك بية وجاني بالفطرة
ياعشكي الك عشك الجرف للماي
عشك الطير من تعبال للشجرة
تعال شبييك
تعال شبيك مو نادة الوطن مشتاكـ
هزة الشوك ليلة وخنكتة العبرة تعال شبيك
موهذا الحضنة صغار
عيب نعوف ابونة الشايب بكبرة تعال شبيك
موفتحوا علية مزاد
شارينة برخص محد رفع سعرة تعال شبيك
موعالو علينة بليل ذولة احفاد منجم ملة الزفرة تعال شبيك
سيفك ماكره الكراب ؟ جرة بساع تبجي المهرة
تعال شبيك لك الوطن محتاج سباع
لاتعوفة هيج بين الذياب
................
[flash1=http://im71.gulfup.com/3kzn6F.swf]width=0 height=0[/flash1]
