مجاراة بين شعراء الدارمي

[ابو مناف البصري]

مجاراة بين شعراء الدارمي

البيت الأصلي يقول
............
أسمـع وعبـر هـاي ونسـاهـه ذيـچـه
مو رچـه بس حبيت طبع الغليـچـه
ابو طيبة الطائي
.................. أبيات المجاراة
مو رچـه أضـم زلات وأدفنهه بـالگاع
بس عندي شوف ابعيد ماجزر بساع
قاسم علوان اللهيبي
..........
أتغاضه بعض أمرار وأمرار أعبر
مو ثوبي بالعاگول من تالي أزبر
علي الخليفاوي
.............
أتغاضه عنك موش معناهه خوفه
لـگمه الكلتهـه ويـاك گـالتلي عوفه
بشار الاسمر
...........
يـل گمـت بيـه اتعيـل وتهافـف احجار
مو رچـه هاي وياي بس تنحسب جار
علي عباس الكردي
.........
أسمـع نـميـم بـهـاي وبـهـاي أدچـه
ماأرد بس عالشاف بالسكته رچـه
كاظم الخفاجي
.......
الگـط الكـواكـات وأطـرب لفنهه
والتغث لا مبخوت أتغاضه عنهه
صالح ديوان الطويل
.........
أسـحـگ وأسـد نـبـار زلاتـه ويــاي
خاف الشماته تلوم لاشافت المـاي
علي تكليف الصگبان
.........
حـگـي وگـلـت وعـاد الـهـم تـره الـحـگ
من لونه أرگعه ابساع من يحصل الشگ
ابوعلاء الفضلي
.......
اليـحـچـي عني ابشين يلگه إذني طرمه
مـو رچـه بـس ملحـات زادي الهـه حرمه
مهدي صالح الاسماعيلي
.......
مع تحياتي وشكري للجميع ..

 

[mohammed.shams]

رد: مجاراة بين شعراء الدارمي

لجهودكم باقات من الشكر والتقدير على المواضيع الرائعه والجميلة

 

[قيصر الحب]

رد : مجاراة بين شعراء الدارمي

دائما متميز في الانتقاء
سلمت على روعه طرحك
نترقب المزيد من جديدك الرائع
دمت ودام لنا روعه مواضيعك

 

[سعد العراقي راقي]

رد: مجاراة بين شعراء الدارمي

شكرا لجهودك
تحياتي لك

 

[عطري وجودك]

رد: مجاراة بين شعراء الدارمي

ذوق في اختيارك
يسلموو ع النقل