مزيونه وعشكج سبعيني

[مـــجيـّدالسيــــد]

مزيونه وعشكج سبعيني
بشفافج تين يغذيني
خليني يا اغلى الناس
سباح بكلبج خليني
مزيونه وعشكج سبعيني
بشفافج تين يغذيني
.......................
صدكيني يا غصن البان
بغير اطيوفج ماحلمان
بغيابج كلش عطشان
بغيابج محد يرويني

مزيونه وعشكج سبعيني
بشفافج تين يغذيني
.........................
صدكيني ياروح الروح
خبر افراكج ما مطروح
بغيابج اني المجروح
مجروح وانتي اتداويني

مزيونه وعشكج سبعيني
بشفافج تين يغذيني
.....................
صدكيني يا اغلى انسان
انه بحبج ما ندمان
لا وعيونج ما زعلان
ما ازعل منج تدريني

مزيونه وعشكج سبعيني
بشفافج تين يغذيني
......................
صدكيني يا ام الجود
اسمج بشفافي معكود
انزاحت ايامي السود
بوجودج ياروحي وعيني

مزيونه وعشكج سبعيني
بشفافج تين يغذيني
بقلمي
مجيد السيد
حصري ل منتديات فخامة العراق
16_12_2016​

 

[أبْنُ أبآن]

رد: مزيونه وعشكج سبعيني

روعة اخي مجيد
اغنية جميلة عزفها قلم شفاف
لكن ليش سبعيني .؟
يعني تقصد عشاق السبعينات يختلفون عن باقي العشاق .؟
( نخلة وخط وفسفورة ) ههههه

تحيتي اخي العزيز

 

[أنين الروح]

رد: مزيونه وعشكج سبعيني

الله عليك استاذ مجيد

دام قلمك واحساسك الجميل


ما اجملها من ايام السبعينات

تقدير ووافر احترامي

 

[مـــجيـّدالسيــــد]

رد: مزيونه وعشكج سبعيني

روعة اخي مجيد
اغنية جميلة عزفها قلم شفاف
لكن ليش سبعيني .؟
يعني تقصد عشاق السبعينات يختلفون عن باقي العشاق .؟
( نخلة وخط وفسفورة ) ههههه

تحيتي اخي العزيز

اي صح عشق السبعينات خالد وماينمحي ولو اني ما مجربة ههههه
كنت صغير بالسبعينات جدا لكن شفت بعيني الصدق والعفوية والبساطة
في عشق تلك الحقبة الجميلة والاكثر من رائعة .
هذا لايعني الان لايوجد عشق نقي لا موجود بس
قليل جدا
الف شكر لمرورك العذب والانيق
تحياتي اليك
​

 

[رودينا]

رد: مزيونه وعشكج سبعيني

سطور وحروف جميلة

صيغت بتمكن واحترافية عالية

ابدعت اخي السيد

ننتظر جديدك

وكما عودتنا على روائعك

تحية وتقدير

 

[هاديه بس مجنونه]

رد: مزيونه وعشكج سبعيني


همساتك احتوت الجمال من اول حروفها
وحتى اخر نفس من حروفها
امتلئت بالتميز وارتوت بالروعة
واكتست اغصانها من فيض ابداعك الجارف
كلمات تناثرت كعقد ماس تناثرت حباته
لتضيئ الطريق لتلك الحروف
كلنا شوق لنتذوق عذوبة ابداعك
تحياتي لك لا عدمناك
تقيمي ونجومي

 

[كيان الم]

رد: مزيونه وعشكج سبعيني

كلمات تناثرت كعقد ماس تناثرت حباته.
لتضيء الطريق لتلك الحروف
اقدم باقة من الورد يفوح منها كل التقدير.
تحمل بطياتها اعذب المعاني
واجمل الاحاسيس والمشاعر
تحياتي لك لا عدمناك

 

[صاحب السمو]

رد: مزيونه وعشكج سبعيني

صباح الورد
عاشت ايدك اخوي مجيد واحنه ممجربين العشك البسعيني ليش متكول التسعيني ؟
يعني شبينه ترا نخبببل ههههه

 

[فتنةة العصر]

رد: مزيونه وعشكج سبعيني

في كل مرة أيها المبدع
تلفت أعجابنا بمفاتن
روعة إبداعك الخطير
تستاهل أجمل تقييم ولايك واكثر من هيج

 

[هبه]

رد: مزيونه وعشكج سبعيني

سلمت اناملك ودام قلمك
كلمات جميله