مشيــت بارضك رافع الراس ... وبراس العــدا ثبتت فاسـي
عراقـي انت وحبي الك دووووووم ... وبيـك عرفت كل هلي وناسـي
بحر حبك خلانـي غركـان ... من اخمص اقدامي لحد اعلى راسي
غرقت بحبك مثل لهفة يتيم ... يركض عالبشر يبجي ويقاسـي
بتراب كاعك خطيت الابيـات ... وزينتها بجمال اللهفه واحساســي
اقترن اسمي ويــاك باربع حروف ... واقترن اسمك ياوطن حته بانفاســي
بحروفك يا عراق صرخت حـيــل ... واريد الناس تسمعني من احاجيـــك
اريد احجي واخلي الناس باصغـاء ... من حجيه البالكلب صار يدويــك
مطر غيمة فضائك روه الايتــام ... وخلى الماي يجري فوك اراضيـــك
من حروف اسمك ركصت الـروح ... وصــار كليبي مطرب باغانيك
جنطة سفر كلبي و ماخذه ويـاي ... نبض باول محطة كبال طاريــك
نبض كلبي اتعدى اسبعطعش عـام ... وبعدد نبضات كلبي صرت احيك
ارسملك مبتسملي و احرك الروح ... خصائص روحي ما فهمت معانيـــك
تبتسم وانت بكلبك احزان ... شلون امسح احزانك كلي واراضيـك
غاندي صار مجنون بحب الهنود ... وما وصفوا جنوني الجنيته انا بيك
حبيتك حب صداقه وحب غـــرام ... والك كلبي انفتح بس كون اخليك
يا محله النسيم اليهب بسماك ... وشحلاته الضوه من يكسر هالشبابيك
اريد اتسلق جبال واوصل ويــاك ... بحروف اسمي من القمه اناديـك
اسمك اربع حروف واسمي مثلك ... شتحب عراق لـــو مسلــم اسميـك؟
افديك بدمـائي وتشهد الناس ... والك كلبي انفتح بس كـــون اخليك
افـز عليك لاتبرد الليل ... وانزع ثيــاب كلبي وبيهن اغطيـك
الي افتخر باسمك صار منصور ... وخسران كلـــمن راد يعاديــك
اريد اجمع الناس ونصيح بصوت ... بالروح والدم يا وطن نفديـك
بارض جنتك عشت واناروح
وتعتقد مني اعوفك وانااروح
افترض عفتك ياوطن وين اروح
ويا وطن مثلك يعطف عليه
