لعمل التمن(الرز) نحمس راس بصل صغير بالزيت وبعدين نضيف كركم ونقلبه وبعدين نضيف التمن المغسول والمصفى ونقلبه شويه وبعدهه نضيف مي يغطي التمن ومكعب ماجي ونتركه على النار وقريب ماينشف المي ننصي النار ونغطي القدر ونتركه يتهدر براحته
الحشوه عباره عن كميه كبيره من شرائح البصل تحمر بالزيت حتى يصبح لونهه بني وبعدهه نضيف ملح وفلفل اسود ونومي بصره مطحونه واخر شي نضيف الكشمش ونقلب علسريع ونطفي النار
بالنسبه للسمج نقطعه باحجام حسب الذوق ونعصر علي حامض وملح وفلفل اسود وبعدين نغطس السمج بخليط من الطحين والكركم ونقلي بزيت غزير حتى تتحمر قطع السمج وتستوي
هذا المطبك تفصيخ ههه هسه نجي نجمعه
طريقه التقديم بيهه خيارين اما تصبون التمن وفوكا الحشوه واخر شي قطع السمج او
بقدر ثاني نضيف نص كميه التمن المطبوخ وبعدين نضيف السمج والحشوه فوكا وبعدين النص الثاني من التمن ونتركهم على نار ناااااااااااصيه كلش حتى موعد التقديم
