مـــحتاجك ,, ~

[أرق مـن نسمہ]

محتاجك حلم مرسوم عالنجمات
وخيوطة بذهب عالكمر مكتوبة

ومحتاجك خلك وسع الارض يفلان
واشرحلة الخواطر ليش متعوبة

ومحتاجك فرح بكلوب الحديثات
لو كعدن سوى بنيشان مخطوبة

ومحتاجك جدم ماتوجعة الصدمات
ومن تثكل بلوتة يعاند دروبة

ومحتاجك عمر مايمر بيه الموت
مو عمري الكضى وساعاتة محسوبة

ومحتاجك دمع يبجي اعلى روحي وياي
من يصفن دليلي ويذكر ذنوبة

ومحتاجك صبر بس موصبر ايوب
لان كبلك لبستة وماستر ثوبة

ومحتاجك حضن روحي تتلفلف بيك
لوفزت غفل بالليل مرعوبة

ياهو اليفك حزني وانا بلياك
دنيا من القهر وبيوت مكلوبة

يااول جرح محتار كلبي وياه
وايدي شما تغلبة ترد مغلوبة

علمني الهجر بلكت اصد ونساك
وحلف ما اجيك ومنك التوبة

محتاجك صدك موبس حجي يفلان
موكلمة وحروف بورق مكتوبة
​

 

[Ỗ₥λṞ]

رد: مـــحتاجك ,, ~

محتاجك صدك موبس حجي يفلان
موكلمة وحروف بورق مكتوبة
​

الله شنو هاي نسومه روعه انتي
دائما نستمتع بمواضيعك
واحلى
تقييم

 

[أرق مـن نسمہ]

رد: مـــحتاجك ,, ~

نورت الموضوع اخويــه
شكرا ع التقييمj-(

 

[الشاعر الرياضي]

رد: مـــحتاجك ,, ~

الله على الكلمات الروعه
اختيار جميل
شكراا جزيلا يلغاليه

 

[أرق مـن نسمہ]

رد: مـــحتاجك ,, ~

نورت الموضوع .. اسعدني تواجدك كثيرا
تحياتي ..~