مقبرة دجلة//الم العراق بقلمي

[الشاعرعامرالعراقي]

مقبرة دجلة//الم العراق


ربطنة اسمج اوية الاموات
وكلمن فقد خلة يطلبج ثارة

كليلي بعد يادجلة شنسميج؟؟
دجلة سبايكر لو دجلة عبارة

اجمل ماملكنة بطلقتج ماتوا
هذا يامضيف الكتل خطارة

مثل ام الشهيد تروح يوم العيد
موتفرح تذب دموع هدارة

وانتي بعيد الاخضر لليفرحون
كلبتي الفرحة بيهم شد الوزارة

بعد نسكت لان عنوانة خرسان
واحنة اول جبان اليقبل بنارة

ولان خرسان كلشي يرهم ويانا
ولحمنة اشكد حلو مشابك الكنارة

يكصابين...
بسها بطونكم ماشبعت امن الموت
باجر في جهنم ناس وحجارة

اخذتوا فلوسنة والنفط والكيعان
واخذتوا احلى الشباب وزينة الحارة

وخربتوا البلد بمحاصصة غمان
وخليتوا حربنا الجار وي جارة

خزيتونة والله والحجي شيفيد
وياهو البالعراق اليسلم بدارة

العبوا بكيفكم وخل يزعل اليزعل
شعب كلة نثاية وانتم اكبارة

بس هي المراجل حدها يم عباس
اجيبة منين هسة وياخذ بثارة

عليكم عار كل اللي يموتون
الوطن مبخوت احسبوا احساب للشارة

واذكركم اباجر من تموتون
موت اللي مثلكم مالهم جارة

الوطن عنوان شامخ للتواريخ
اجيال الكبلنة نقلت اخبارة

مايرحم عدو دك للحرب بوق
ويكرم حيل شعبي بناس خطارة


بألمي والم العراق
اعزي نفسي اولا وثانيا وعاشرا
عامرالعراقي

 

[الشيخ]

رد: مقبرة دجلة//الم العراق بقلمي

الرحمه والغفران لضحايا العباره
والصبر والسلوان لذويهم


شكرا شاعرنا عامر العراقي
ابدعت

 

[شهد~]

رد: مقبرة دجلة//الم العراق بقلمي

لشهدائنا جنات النعيم
ولنا ولذويهم الصبر والسلوان
طوق ياسمين لهذا الاحساس
تقديري

 

[شيلان]

رد: مقبرة دجلة//الم العراق بقلمي

ليس ذنب دجلة الخير..

و انما سكوتنا و رضوخنا هما من أوصلنا لهذهِ الحال و الفواجع المتتابعة في بلدنا..

و الابرياء هم القرابين التي يقدمها اسياد الجشع و الفساد لإجل مصالحهم الشخصية..

حسبنا الله على كل ظالم..

رحم الله شهداؤنا و هنيئاً لهم الجنة..


"

الشاعر العراقي..

نص مدوّي و صريح العبارة ليته يوقظ النيام الخانعين..


بارك الله فيك..

 

[استاذ العاشقين]

رد: مقبرة دجلة//الم العراق بقلمي

احياناً أقتبسُ من كلامك ما يشدُني

وهذه القصيدة وكلُ ما فيها تستحقُ الاقتباس !!
لا زلنا نندبُ والارض والماء إبتعلتْ اجساداً عليها طيور الرحمة تدور ..
عامر العراقي :
عظم الله لكَ الاجر ولنا جميعاً أخي الفاضل بمصيبة أُخرى
تندرجُ في قوائم المصائب ونسأل الله ان تكون خاتمتها ..

 

[وارفة الظلال]

رد : مقبرة دجلة//الم العراق بقلمي

بورك حرفك اخ عامر
قصيده تخبرنا بالمآسي التي يعاني
منها العراقيين

دجله الخير كما يطلقون عليها

ليس للنهر ذنب هذا قدر
ومكتوب من رب العالمين ولا نستطيع الاعتراض عليه

اليوم هم وغدا لانعلم من يكون

عظم الله اجرنا جميعا

وندعو الله ان يحسن خاتمتنا

وندعو لهم الله سبحانه ان يسكنهم الجنان
تقييمي لحرفك الحزين
​

 

[سعد العراقي راقي]

رد: مقبرة دجلة//الم العراق بقلمي

نسال الله ان يرحم الضحايا برحمته الواسعة
ويلهم ذويهم الصبر ويمن عليهم بالاجر

نص رائع رغم مرارة الموضوع
سلمت شاعرنا العزيز
شكرا لك من القلب

 

[الشاعر مصعب باشا]

رد: مقبرة دجلة//الم العراق بقلمي

اخذتوا فلوسنة والنفط والكيعان
واخذتوا احلى الشباب وزينة الحارة

عاشت ايدك صديقي

دمعت عيعين والحزن في القلب يا صديقي


كل الحجي والتعابير ميفيد ويا الي خربو هذا البلاد

الله ينتقم من الظالم والله يرحم كل شهداء العراق

ابدعت بحزنك اخي العزيز

اتشوق وبحرقه الى جديدك

تقبل مروري

تحياتيـ

 

[الشاعرعامرالعراقي]

رد: مقبرة دجلة//الم العراق بقلمي

الرحمه والغفران لضحايا العباره
والصبر والسلوان لذويهم


شكرا شاعرنا عامر العراقي
ابدعت

منوور شيخ ربي يحفظك
شكرا للاطراء والحضور الجميل

 

[الشاعرعامرالعراقي]

رد: مقبرة دجلة//الم العراق بقلمي

لشهدائنا جنات النعيم
ولنا ولذويهم الصبر والسلوان
طوق ياسمين لهذا الاحساس
تقديري

منورة خيتي شهد
شكرا لك الحضور الجميل
والاطراء الرقيق