منيلج هاي الترافة

[مـــجيـّدالسيــــد]

منيلج هاي الترافة ؟؟
منيلج هذا الجمال ؟؟
حلوة وبروحج ظرافة
تكتل بلاية قتال
بيج معجونة الثقافة
ومختمر بيج الزلال
انتي هم شفتي حسافة؟؟
بيوم كلتيلي تعال
سجلو بيج انعطافة
نظرتج ثورة نبال
فدوة تنطيني اضافة ؟؟
فدوة حليلي السؤال
....................
حلوة يلكلج لطافة
حلوة يلطعمج شهد
السحر لا مو خرافة
السحر بيج انوجد
حطج كليبي بظفافة
وبالجرف كلبي انعكد
انتي يلكلج كلافة
وتنكط اشفافج ورد
تنجمع كرخ ورصافة
اثنينه لو نتحد
بقلمي
مجيد السيد
13_12_2016
حصري ل فخامة العراق


​

 

[мя Зάмояч]

رد: منيلج هاي الترافة

عآشت الايادي / ودوم الابدآع يا رب

 

[مـــجيـّدالسيــــد]

رد: منيلج هاي الترافة

عآشت الايادي / ودوم الابدآع يا رب

الف شكر الك ولمرورك العطر
تحياتي اليك
​

 

[رافد البغدادي]

رد: منيلج هاي الترافة

طقطوقه لطيفه شفيفه نظيفه

غارقه بحسن التغزل المباشر البهيج


شاعرنا المثري / مجيد السيد

وبعضا من إثرائك مغني

لانك تغنينا بهذه الاشعار دائما

كنت رقيقا مبدعا

تحيتي

 

[الشيخ]

رد: منيلج هاي الترافة

حلووو

يسلم قلمك سيد مجيد
دمت بخير

 

[سمــّـــو الأمــيــر]

رد: منيلج هاي الترافة

عاشت الايادي
موضوع رائع

 

[رودينا]

رد: منيلج هاي الترافة

لوحة رائعة جداا

وفيها من الجمال

الشيء الكثير

راق لي حرفك

كالعادة ابداع يفوق الوصف

تحية وتقدير

 

[أنين الروح]

رد: منيلج هاي الترافة

لوحه رائعه تغزلت بها عن الحبيبه


شكرا لك ولقلمك المتميز


تحيتي وتقديري

 

[هاديه بس مجنونه]

رد: منيلج هاي الترافة

يقف قلمي عاجز عن وصف ابداعك
فانت دائما تبهرنا بتميزك وكلمات الراقية
يدوم الابداع
أحرفٍ موشحة ب الجمال
و مدى عفوية الإحسَاسْ
أبيض حرفك كتب بَ مداد من النور
توج برداء العفوية والسلاسة
سلم لنا فكرك وابداعك
تحياتي لسموك لا خلا ولا عدم
تقيمي ونجومي
​

 

[♥ تـنآهيــد أُنـثـى ♥]

رد: منيلج هاي الترافة

قلمٌ..غنيٌ عن التعريف..

خصب المضمون..

زآخر العطآء

ينثر أريجآ ..

نستنشق منه الجمآل أينما وُجد..!

سلمت يمينك

أكاليل ياسمين..لذلك اليرآع الفذ..

؛


​