من اشرس واطول المعارك الي خاضها الجيش في حرب الثمانينات هي معركة نهر جاسم في البصرة ..
وحصدت هذه المعركة ارواح الشباب من الطرفين لان كانت المعارك بيها كر وفر ..
ساعة يهجمون علينه وساعة نهجم عليهم لدرجة النظام السابق سحب مواليد جديدة وارسلهم بدون تدريب لساحة المعركة وهم مواليد ٦٨ !
وكتبو الجنود بذيج الفترة الدارميات على المعارك ..
فكالو ..
هم قصف هم قناص هم شهر حاسم
چا وين اودي الروح من نهر جاسم
فيرد عليه آخر ..
حاير تضم الروح من نهر جاسم
ريسنا كل اسبوع شو وجبة عادم !
اييه المهم مانريد نضوجكم نرجع لسالفة صارت مع شاعرنا البصري عطا السعيدي الله يرحمه لمن كان احد جنود تلك المعركة ..
وبيوم من ايام الحرب الطاحنة والهجوم وگبارة التراب والدخان والمدافع عالگة !
چان الجيش منسحب والجنود كلمن يتفگد صاحبه عدل ميت..
ويباوعون على التراب والجنود الراجعين وشلون حالهم مبهذل..
بس بنص هاي العجاجة والاصوات
يسولف عطا يگول نسمع صوت واحد يغني ابو ذيه ويون بصوت شجي والموال مغنيه المطرب رياض احمد وهو للشاعر مطشر المجراوي .!
وهو
ابفركچن لما ادميچن يراحاي
بسبب كل حين تلچمن یراحاي
انا كلمن نظر شخصي يرا حاي
وانا ميت بسبب فركاك اليه ..
بعد ماسمعو هذا الصوت بقو يترقبون منو صاحب الصوت ؟
ولنه يطلع جندي من ربعهم طويل جميل الهيئة طالع من بين الدخان والنار ومخلي البندقية بين اچتافه ولازمها ولا كأنه چان بنص الموت وهايم ومندمج مع الاغنية الي يغنيها !
يگول عطا آنه تلگيته
_شبيك ولك تسودنت احنه بيا حاال ؟
جاوبه الجندي ..
_ذكرتها ياخالي
هنا عطا ضحك وگال يعابيك الله كزبر جلدي ولك...
وكتب اجمل ابيات الابوذيه ..
يگول عطا على لسان الجندي العاشق...
منهو الكدرك ياترف منساك
يبو ثغر البعود الارك منساك
انا بحتف المنايا وگلت مانساك
بنهر جاسم وذكرك عصف بيه
❤❤❤
طريفتنه
اكو فرق بين العاشق الحقيقي الي مايعطله عن حبيبته حتى الموت وبين عشك هالوكت والي يتحجج باتفه الحجج والانشغالات حتى يبتعد
وسلامتكم
#نوال_جويد
وحصدت هذه المعركة ارواح الشباب من الطرفين لان كانت المعارك بيها كر وفر ..
ساعة يهجمون علينه وساعة نهجم عليهم لدرجة النظام السابق سحب مواليد جديدة وارسلهم بدون تدريب لساحة المعركة وهم مواليد ٦٨ !
وكتبو الجنود بذيج الفترة الدارميات على المعارك ..
فكالو ..
هم قصف هم قناص هم شهر حاسم
چا وين اودي الروح من نهر جاسم
فيرد عليه آخر ..
حاير تضم الروح من نهر جاسم
ريسنا كل اسبوع شو وجبة عادم !
اييه المهم مانريد نضوجكم نرجع لسالفة صارت مع شاعرنا البصري عطا السعيدي الله يرحمه لمن كان احد جنود تلك المعركة ..
وبيوم من ايام الحرب الطاحنة والهجوم وگبارة التراب والدخان والمدافع عالگة !
چان الجيش منسحب والجنود كلمن يتفگد صاحبه عدل ميت..
ويباوعون على التراب والجنود الراجعين وشلون حالهم مبهذل..
بس بنص هاي العجاجة والاصوات
يسولف عطا يگول نسمع صوت واحد يغني ابو ذيه ويون بصوت شجي والموال مغنيه المطرب رياض احمد وهو للشاعر مطشر المجراوي .!
وهو
ابفركچن لما ادميچن يراحاي
بسبب كل حين تلچمن یراحاي
انا كلمن نظر شخصي يرا حاي
وانا ميت بسبب فركاك اليه ..
بعد ماسمعو هذا الصوت بقو يترقبون منو صاحب الصوت ؟
ولنه يطلع جندي من ربعهم طويل جميل الهيئة طالع من بين الدخان والنار ومخلي البندقية بين اچتافه ولازمها ولا كأنه چان بنص الموت وهايم ومندمج مع الاغنية الي يغنيها !
يگول عطا آنه تلگيته
_شبيك ولك تسودنت احنه بيا حاال ؟
جاوبه الجندي ..
_ذكرتها ياخالي
هنا عطا ضحك وگال يعابيك الله كزبر جلدي ولك...
وكتب اجمل ابيات الابوذيه ..
يگول عطا على لسان الجندي العاشق...
منهو الكدرك ياترف منساك
يبو ثغر البعود الارك منساك
انا بحتف المنايا وگلت مانساك
بنهر جاسم وذكرك عصف بيه
❤❤❤
طريفتنه
اكو فرق بين العاشق الحقيقي الي مايعطله عن حبيبته حتى الموت وبين عشك هالوكت والي يتحجج باتفه الحجج والانشغالات حتى يبتعد
وسلامتكم
#نوال_جويد
