مو انه التردله شوكت ما حنيت
ولا اني الردي اليتقشمر بغمزه
انه كطره ستر كبلك جفوني بكاع
صبخه مستحه وبيهه انبتت عزه
احط بجيوبي عيني اليضحك الملكاي
ارحب باليجيني الجاد واليهزه
كثر ما تنفتح طبعت عله الحيطان
بيباني وابد ما عاشرت رزه
عيني من السهر مختمر بيهه الليل
اليخاف من الشدايد حصته الفزه
ما بذرت نحري كبال ياهو الجان
اليجيني من الوجه يستاهل يحزه
يغزر بيه اذا اشوفف الرسم تنور
عبد للبيت الكلت بي خبزه
وحته اكبر بعينك عاشرت شياب
من الشيب وجهي جيب اللي فرزه
النخله التكبر يفرع سترهه الريح
ما ترضه وسعفه المستحه يهزه
