مو كلمن فتحلكـ بابه يهواكـ
مو كلمن فتحلك بابه يهواك ولا كلمن يكرهك بابه ينسد أكو مسدود بابه وقلبه مفتوح وأكو مفتوح بابه وقلبه أسود وإذا طشيت صحبانك على الماي أثكلهم وفه جواك يركد وأخففهم يظل طافح على الراي يروح وية الجزر ويرجعه المد إذا تحتار سافر تعرف الناس منو إيهد القطار ويوكف أزيد أكو أيشده بحبل ويكطعه ويروح وكو بكل الشرف عالسحبة ينشد وكو بمشية قطارك عينه تحتار وباللحظة الاخيرة وياك يصعد وكو يشيل المحطة وية القطارات ويدكه على كلبك وصدره ينسد فرق بين أليعبدك بـ المحطات وفرق بين ألبنالك بكلبه معبد مو كلمن ضحكلك منه ترتاح ترى ناب ضبع علـ ضحكة تنمد ولا تحقد على كلمن يبجيك إذا دمعك طفح صدكني تبرد ولا تحقد على الصعدو بالجناح معروف الصكر لو جنحه ينشد ومو كلمن نزل يسمى مذلول ولا كلمن صعد يسمى أمجد أكو صاعد رغم ماهو عالكاع وأكو نازل يضل لو قمة يصعد راسك منتصب أعلى من اليدين بس من السهل تتناوشه اليد وإذا عندك جبل خلهم يصعدون فرق بين الصعد والراد يصعد أكو أيهده الجبل لو هد الجفوف وكو أيهد الجبل لو جفه ينهد وعلى المبرد كفر تنغر السيوف لان سيف اعلى سيف بكلبه ينمد وإذا عنهم رحل كلهم يخسرون شنو ذبح السيوف بليه مبرد شنو ذبح السيوف بليه مبرد
