وشكد بي حزن ويكسر الخاطر
وشكد قهر شاف شكد رمنه سهام
وشكد بي مصايب تعمي كل ناظر
كلهن ذني مرن عالكلب سهلات بس
وحده الكلب من عدهه ظل شاجر
غدر اللي غدرته وياي ما ينقاس
لا في زمن ماضي ولا زمن حاضر
يالصوبت كلبي بسهمك المسموم
ومو اول سهم لا هوه هم عاشر
هواي سهام منك صوبني هواي
ومن كل السهام الكلب ظل صابر
واروفن بالجروح وسهله اكول تهون
وكلبي عله الجروح يدوس ويكابر
بس اخر سهم هوه الذبحلي الروح
مسموم ورماني ومثله ما صاير
ومو رمية غشيم وصوباني صواب
بل رمية استاذ وعبقري وشاطر.
