نفس اسم السهر ينذكر بس باليل.

[عثمان العكيدي]

نفس اسم السهر ينذكر بس باليل.
الشمس متنام ابد لكنها ماتسهر.
وتكلي اكلبلي صفحه وننسه ذاك الراح.
وكلبها وترد وبروحي تتعثر.
كلبت اوراق ياما وصخمتها وشوف .
بعد ياورقه نكلب خلص الدفتر.

 

[عثمان العكيدي]

رد: نفس اسم السهر ينذكر بس باليل.

وذاك انه ثوبي الوفة وثوبك تبدل غدر
وعالثوب هينه طلع عندك جلد ينزع

تعيرني راسي نصه واني اشتعل ضوة
مادام ماينحني خل ينصه راس الشمع

غروك مو كلت الك ليغرك انت شبه
الخط البظهر النمر نفسه اعلة ظهر الظبع

 

[عثمان العكيدي]

رد: نفس اسم السهر ينذكر بس باليل.

يمر اسمك واكظ الكلب خاف يطيح

غفل زعيوني تشهك شهكة الغركان

عذر شلت الجكارة اورثتها بنار

امن اذكرك بالسوالف يطلع الدخان!؟

 

[عثمان العكيدي]

رد: نفس اسم السهر ينذكر بس باليل.

بعيني اكلك سهله من تغدرني دوم

وارد اغدرك كلبي ماينطيني

لهذا خلصت العمر كله بهواك

انت تغدر واني اكول بعيني

 

[عثمان العكيدي]

رد: نفس اسم السهر ينذكر بس باليل.

عشرتنه انتهت حيل اشتهت تابوت
بقت عدله صدك بس مات بيها احساس

وذاك ازماطنه الفشله التبدت بي
مثل فشلة الحظرة الماتجيها الناس

مثل شفة رخيصة وتيهاهة اليل
متحس بالحنان بكثر ماتنباس

تجي محملي صوغه الاه والياويل
وتروح مخلي يمي القلق والوهواس

وهذا الشيب الابيض ماطلع بجفاك
واني انظر صدمتك طلع شيب الراس

 

[عثمان العكيدي]

رد: نفس اسم السهر ينذكر بس باليل.

يامن يوم ردتك رحت صديت
جنت ابرج ومن فركاك صديت
بوجه شايب اذا فديوم صديت
تذكر هيج بعدك صار بيه

 

[شفته يخون بعيوني]

رد: نفس اسم السهر ينذكر بس باليل.

عاشت الايادي