هى حاجه وانت حاجه

[الشاعر عبدالحميد]

هى حاجه وانت حاجه..
ومفيش بينكم اى حاجه..
والغرام ده فى قلبك انت
اما هى مش حاسه حاجه..
ياللى عشمان فى الجميله
وكل ليله تكتب حاجه..
مره شِعر ومره نثر
ومره سَرد لأى حاجه..
علقت مشاعرك ع الحبل
متعشم فى هواها يهل
ويداعب قلبك او حاجه..
متبعتر فى تراب خطوتها
وطوافك حوالين سور بيتها
مستنى تفتح شِبكها
وتنول من حُسنها لو حاجه..
وبترجع مكسور الخاطر
بيعكز قلبك مش قادر
وتعذب روحك وتعافر
وتغامر علشان ولا حاجه..
حسابتها انت مش فيها
يارميها عبطاً وسماجه..
ضحكتها كانت بتجملك
مش معناها عشاقك او حاجه..
لو حباك كانت هتقولك
كان حيبان فى عيونها الحاجه..
اهملها وصل احساسها
بـ نسبالها هواك ولاحاجه..
فـ قص مشاعرك بالحبل
نفضها من وجع الطل
دى الشمس متعرفش الضل
وشمس هواها مش محتاجه..
لضل هواك المكسور
اقفل بابك لم الدور
مهما هتزرع ارضك بور
وشقاك مش حيجبلك حاجه..
يامرمى بره الحسابات
انسي خلاص كفياك حكايات
ده بعد الهجر مافيش مسافات
اهى قدامك وبرضه بعاد
ده لانها مش حاسه بحاجه..
دى هى حاجه وانت حاجه..
بقلمى الشاعر عبدالحميد

 

[mohammed.shams]

دُمتَمْ بِهذآ الع ـطآء أإلمستَمـرٍ
يُسع ـدني أإلـرٍد على مـوٍأإضيعكًـم
وٍأإألتلـذذ بِمـآ قرٍأإتْ وٍشآهـدتْ
تـقبلـوٍ خ ـآلص احترامي
لآرٍوٍآح ـكُم أإلجمـيله

 

[قيصر الحب]

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي