شفته يم الباب واكف .. كتله ها ؟
كال واكف منتظر منك تجي.
كتله اجيت..
كال يالله
كتله شنهو
كال نمشي
كتله وين
كال أرض الله وسيعه وبيها ليل
كتله اخاف.. كلش الشيطان شاطر خاف اميل
خاف كطرات الندى عليه تهيل
خاف اسوي المستحيل
خاف اهز كاروك كلبي وماكو حيل
خاف اطيح
خاف لب حشاي من يمه يصيح
كال حاسب كلشي بيك
كال اعرفك شاخل اسنيني بديك
كال تخجل من يمر طاريي ليك
اي اعرفك .. حيل اعرفك
كال عنبر بيك اشمه واشتهيك
كتله وانا بساعة الملكه ارتجيك
كال احذرك خزرة عيوني سهم
كتله نيشان على صدري وما اهم
كال اغطيك بجدايل كلها ليل
كال احشّملك خصر وياه تميل
كال اسطّرلك حجي كلش ثجيل
كتله حاضر وانا اناظر مستحاي
كتله جلماتك قهر دكّلي ناي
عينك اذكر بيه عايش وانت جاي
ليلك الهندس تمدد وي هواي
ولاتكليلي انا اميل
خصرك مفصل دواي
هيه هاي .. وداعتك ماعندي راي
حيل عطشان اوجهبّتك اروي ماي
هيه هاي
بقلمي
ضياء
