صفنه غربتي
وحته انفاسي وحشة
بلا خبرهم
تحز روحها الحيطان
وتكت دمع
من مسحنه صورهم
وتهج الليالي
بلا وداع
من غرب
گمرهم
تشلبه حالها الساعات
وتسرفن كل دقايقها
بس يمر ذكرهم
خلفلله عله البقنه
كل لحظة تذكرنه
بعطرهم
تشگ زيجها ارويحتي
لو چفل رمشي
وما طاف بيه
حلمهم
خايف يطر الشيب
وانه لساع
ناطر بدربهم
خايف عله الزلوف المرتبات
يصيرن ماي
وما نلگه
شبههم
شكثر مرت بدربي
كصايب
ما رجف گلبي
وصار امراگص
بس مر شعرهم
أشم طيب الرازقي
لو مدري شنهي
بأثرهم
طعم جكليت مايع
فوك اشفاف دلة
وفورة كهوة
بمضايفهم
والله مشتاگين
حد گطع النفس
لكل سوالفهم
05/09/2019
العـ عقيل ـراقي
