والله ندمه
مات جوه الكاع حبك من عكب ماجان نجمه
وشرجي صار العمر بعدك يالجنت بايامي نسمه
احنه سبحه وطش خرزهاا وما نرد هيهات لمه
دنيا جذابة و وكيحه وهالوكت ما عنده ذمه
واني حزني الجان جاهل من هجركم صار زلمه
والله ندمه
بيه وصلت انسى اسمي وما نسيت بيوم اسمه
وروحي بيني وبينه صارت لا هي يمي لا هي يمه
شما اريد الزمها عنك روحي ما تنطيني لزمه
والله ندمه
حصدوا ببستان وردك واني حسره عليه شمه
وكالوا المقسوم يحصل وانتظر تجمعنه قسمه
ولو سمعت اقدام مرت كلبي فرفح كال قدمه
والله ندمه
حسبت يذكر محبتي وبالبواجي عيونه تعمه
ومن ينام بغير حضني يصير تابوت على جسمه
بطلت عينك بواجي ورضت بشفافك البسمه
والله ندمه
شمعي نورته بطريقك وانت شمعاتك مظلمه
وكلي يا نوم الانامه ويا حلم كلي الاحلمه
كافي وانساهم يكلبي وذول موش وجوه نعمه
تكتب بدمك رسايل للي ما يسواش كلمه
وبعد لا تحمدلك احد تالي هم تحتاج ذمه
وبعد لا تحمدلك احد تالي هم تحتاج ذمه
والله ندمه
للشاعر علي الحسناوي
http://www.youtube.com/watch?v=ZhHXcDocg5k
