شَايف مِن يگلّولك حَبيبك راح...
وهَسّتوك بِديت..
بعِشَّك إترتب..
من نُفاضتك..
تنكُت عليهة أحلام..
وباكيت العَصُر مايبقه للمغرِب..
من إتشب..
ويرشون إعله صَدرك ماي..
ماتُطفه وترِد إتشب..
مِن تعتِب..
وتِحس لَچمة العِتاب يصير..
تَره بس المُحب يعتِب..
مِن ينباگ عُمرك...
وانت شِفت الباگ..
ويسألوك هوَّ؟
وتگِعد تچذَّب..!!
مِن تنزِف إجروحك دَم..
وعيونَك دَمع..
مِثلّ الغيمة..
مِن كل الإصفاح إتذب..
وتفشَل..
فَشلة إلينّدگ عليه الباب..
ماعِنده...
وگبُل چان اكبر معَزِب..
من تمشي إعله طولك..
وإنت بَعدك شاب..
بَس هذا إليدگ..
بصَدرك محَدِّب..
ساعتهة..
ويجي إبالك تصيح آحااااااه..
بَس ماتطلع إتچلِّب..
ساعتهة وتِحس..
عُمرك خِلص نِگّاط..
گطرَة وگطرَة..
مِثلّ الحِب..
ساعَتهة وتِحس..
خَلگ الله مال إگشور..
وإنت من الله هيچ إمعَلّم إعله اللِب..
وهَسّتوك بِديت..
بعِشَّك إترتب..
من نُفاضتك..
تنكُت عليهة أحلام..
وباكيت العَصُر مايبقه للمغرِب..
من إتشب..
ويرشون إعله صَدرك ماي..
ماتُطفه وترِد إتشب..
مِن تعتِب..
وتِحس لَچمة العِتاب يصير..
تَره بس المُحب يعتِب..
مِن ينباگ عُمرك...
وانت شِفت الباگ..
ويسألوك هوَّ؟
وتگِعد تچذَّب..!!
مِن تنزِف إجروحك دَم..
وعيونَك دَمع..
مِثلّ الغيمة..
مِن كل الإصفاح إتذب..
وتفشَل..
فَشلة إلينّدگ عليه الباب..
ماعِنده...
وگبُل چان اكبر معَزِب..
من تمشي إعله طولك..
وإنت بَعدك شاب..
بَس هذا إليدگ..
بصَدرك محَدِّب..
ساعتهة..
ويجي إبالك تصيح آحااااااه..
بَس ماتطلع إتچلِّب..
ساعتهة وتِحس..
عُمرك خِلص نِگّاط..
گطرَة وگطرَة..
مِثلّ الحِب..
ساعَتهة وتِحس..
خَلگ الله مال إگشور..
وإنت من الله هيچ إمعَلّم إعله اللِب..
