وطـــــن مبيوك

[إآلُخۈه̷̸̐ إآلُنظًيَفَه̷̸̐]

http://www.youtube.com/watch?v=xtRJXspjNXo
باعوك يا وطني بيع النخس بالسوك
شما بدلولك وجه تبقى وطن مبيوك
ثوب العليك تنهتك من كل كتر مشكوك
صح انتة شذرة حسن بصدر الفتاة تلوك
شافوك كيك وعسل وچلت عليك حلوك
ضاگوك كلش حلو احمر وشرط الضوك
هذا لليعضك غفل وذاك اليبوگك بوك
وذبان كل الامم خوضة عليك بشوك
شافوك مالك اهل مگطوع من عروك
والعرب عنك جفو غربية واهل شروك
خلوك بس للذبح وراسك صبح مطگوك
ابچيك يا وطني دمع الليشرح الموك
وانعاك يا وطني وصوت الصدك مخنوك
كافي الذبح يا هلي گلب الوطن محروك
فوضى احتلال وغدر وضع فلا مسبوك
اخذو النفط والتمر والكرسي والمنطوك
واعطو الامان لهلي خل يمن الملحوك
هذا عراق النخل ويدر علينة عثوك
من شارتة بكربلة تاخذ الناس علوك
يابشر كافي ظلم لله علينة حگوك
گلبي على وطني گلب ام الوحيد
تشبر بطولة شبر وتزيد وتزيد
ها كبر ابني ومشا وبالمدرسة يقيد
باچر نردلة وعلي ونبنيه ونشيد
من حزنة نصنع فرح وهلال ونعيد
من ابو حنيفة نطلع مشي وللكاضم نؤيد
وكاكا حما من العذب يتنخا ابو حميد
سنة وية شيعة سوا وتاريخنة يقيد
كلنة عبيد الوطن بس الوطن سيد
كلنة عبيد الوطن بس الوطن سيد​

 

[Another world]

رد: وطـــــن مبيوك

دائماً أجد هنا جمال الحرف
وسحر المعنى
لك مني كل التقدير والإعجاب
على ماتنثره أناملك المعطاء
دمت بخير ..,​

 

[المايسترو]

رد: وطـــــن مبيوك

الله صح السانك
من ابداع الى بداع
امنياتي لك
​

 

[إآلُخۈه̷̸̐ إآلُنظًيَفَه̷̸̐]

رد: وطـــــن مبيوك

نورتو
j-xj-(

 

[حكاية روح]

رد: وطـــــن مبيوك

اختيار مميز شكرا لك

 

[إآلُخۈه̷̸̐ إآلُنظًيَفَه̷̸̐]

رد: وطـــــن مبيوك

نورتي
j-(j-(j-(