وين رايح..؟

[العـ عقيل ـراقي]

وين رايح..​

لملمنه سواد العين​

وعزلنالك منه عصريه​

وعله اچتاف النوارس​

كتبنالك شعر وقصايد​

غزليه​

وهناك بصفنت المواني​

والبحارة غافين عله​

اخر اغنيه​

جنت بسمك أدندن​

وگالوا عني هذا​

شگد خطيه​

وبواهس ذيج الليال​

رحت اصوغ لعيونك​

حلم ملگه ودفو​

فجريه​

دورلي ليل مثلك​

ما بيه زلة​

ولا نجمة بذويلها​

داست الگمريه​

أغلط مره ومر بذيج​

النوارس​

وعوف چف الموادع​

ورد اليه​

انه ناذرلك​

أچفوفي محبس​

داير منداير خصرك​

يازهره بمزهريه​

واشم ريچك​

مستكة وعنبر يفوح​

يا شهگة الفجريه​

وعثرت المرايات​

بضواك وتوهدنت​

لا مثلك ضوه​

ولا حِسن گمريه​

وانه ناعور بشوفي​

بس اعله اطولك​

أمبديه​

وأگدر اطيوفي​

عله زندك​

والف روحي وياك​

بسمل جفيه​

إرشگني عله نهدك​

نبض حيران​

وشممني من شفاك​

هيله​

وين رايح..؟​

والعيون يعميها البعد​

يخايب رد لدافي حضني​

وأنه ارجيلك​

الليله..​

​

​

28/11/2022​

العـ عقيل ـراقي​

 

[قلائد الياسمين]

ابداااع
أراك تبدع أكثر في الشعر الشعبي
جدا ... لكلماتك رونق هنا
استمر

 

[العـ عقيل ـراقي]

ابداااع
أراك تبدع أكثر في الشعر الشعبي
جدا ... لكلماتك رونق هنا
استمر

اهلا بياسمين المنتدى
شكرا لإطراءك
حقيقة هي تجي وحدها
مره تجي شعبي مره تجي فصحى
حسب المطر وحسب المزاج
كوني بسلام
عقيل العراقي