وي كل نفس ..

[عثمان العكيدي]

وي كل نفس ..
اعدم جكَاره بغيبتك
واستغني عن كل الكلام بصورتك
شوكَي الك..صفنه وسكر
ابهم معتق من زغر عمر الحنان لمستك حد ماكبر
وي حسره كاسرته وسكن غيبوبه حايطهه صور
قست المساحه بالزمن...
الطول بي شمره حضن ام لابن...
ردلهه وي روحه اتضح مو هو ذاك الي اندفن...
وبيهه عرض كَد بسمتك...
لو بيدي اداعب شفتك..
كلشي سكن..
من اذكرك تسكت تعابير الوجه
طش الهدوء بكلشي عم
الصوت تمثال انرسم ..
الكلمه تمسح بالقلم...
كلشي بحياتي ماقبل يحدث تغير بعدما عني رحت..
خايف تجيني وتنصدم...
تلكَه وسط ريتي هوه واني زفيرك جنت اشم..
وتلكَه باذاني حس نغم...
وتلكَه بلساني غير اسم..
ابيا وجه تتلكَه عيني خطوتك...
لوجيت ولكَيت النضر متغطي برماد الدمع...
محروكَه بالبال الصور..تاهت ملامح جيتك...
تانيتك بنفس المكان وجفي بعده يصيحلك...
صرت اقدم اني من السما..
الكَاع حفضتلي وجه ...
حد ممكن ابوجه السمه تشتبه.. بي ماتشتبه...
ارجع لأن ما اضمن لروحي صبر يكَدر يعاند موتتي
يم هايه تعذرني بعد ...لاحول لاقوه الجسد..
لو روحي راحت اعتذر ما أكَدر اوفي بالوعد....

 

[ذوق]

رد: وي كل نفس ..

بَـوْحٌ رآقَ لي

وَ كَ أنَّهُ نعْــشٌ خَطَــفَ بِ جـآنبي

دُمتَ مُمَيَّــزاً

​

 

[حكاية روح]

رد: وي كل نفس ..

روعة
الاختيار