ياصعب حظي فيك يومي هويتك

[عبد الرحمن]

ياصعب حظي فيك يومي هويتك
والاصعب اني ماقدرت اوصل اخرك

ازعلت كل الناس غصب(ن) وجيتك
والمشكله مابان حتى بناظرك

على رداة الحظ حسنا جزيتك
وافنيت عمري في مراعي لخاطرك

صدق المشاعر ماهي خذني عطيتك
كني على ذاك الغلا يوم جابرك

المسأله حب وتفاهم فديتك
ومع الغلا لازم تساير لحاضرك

مشيت في دربك ولا قد عصيتك
ومحد جبرني اتبعك في مشاعرك

وماني على سود النوايا نويتك
ولاني من اللي ماخذك خط عابرك

اتعبت نفسي ياشقاي وشقيتك
انا عشقتك وانت تدري اسايرك

انهيت ذاك الحب فيك انتهيتك
لاتعتذر واليوم ماني بعاذرك

م ن

 

[بنت العز]

كلمات جميله
تسلم ايدك

 

[عبد الرحمن]

[BGCOLOR=rgb(65, 168, 95)]الله يسعدك بنت العز[/BGCOLOR]
[BGCOLOR=rgb(65, 168, 95)]شاكر لك مروررك الانيق[/BGCOLOR]
[BGCOLOR=rgb(65, 168, 95)]لاخلا ولاعدم[/BGCOLOR]