ياهو اللي يجي ايكول انه دكتور

[رومانسي بس منسي]

ياهو اللي يجي ايكول انه دكتور
________________________

شعر : عباس طريم
___
ياهو اللي يجي ايكول انه دكتور
ومن اتكله شور ؟ ايكول
شنهاي
+
الشهادة ايكول: من جامعة شن هاي
اختصاص بجي ان او ار ام
أي
+
مترجم محترف واكلب , البوياي
الى الهندي ,بحيث اتكون
لي لاي
+
وبالصيني تترجم الى هي وي
والى اليابان , حيث اتكون
شي شاي
+
انه الدكتور .. اعرفو مركزي زين
صعب واحد يجي ويتناقش
اوياي
+
سترتي من المجر , ورباطي مكسيك
وقميصي امريكي من اسواق
هاواي
+
الو لندن , الو شيكاكو , برلين
الو مدريد , الو روما , بلي
جاي
+
حجاهه الزين يم راس الشياطين
ليحاذر من شروره الراح
والجاي
+
اليطلع الحيه امن الزواغير
واليقراك بس من جلمة ال
هاي

بعظهم ..موش كلهم .. صدك طرطور
يجذب يم اساطين الجذب
جاي
+
ياخذ بالحجي المكرود ويدور
ما يدري بامير الجذب
دواي
+
يقيم الناس من جلمة وجلمتين
ويكول الربع بس نفخ
حفاي
+
من امريدي كل هاي الشهادات
اذن هذه النفخ ياسادتي
واي
+
خبير من الصغر بالناس دواي
ويميز الجذب , والعزف
عالناي
+
يدوخ المدعي .. بس ابسؤالين
وبعدهه ايكله لتكمل لي
بيباي
+
وتجي مرات بس ايخزره بالعين
لو يكعد اوياه ويشرب
الجاي
+
عدنه بالعراق اليوم مليون
دكتوراه , ولا تستغرب
ابهاي
+
موجودات عالبسطه الشهادات
امام العين , بس تحتاج
شراي
+
مثل بياعت الركي البالسواك
اليبعو الشهايد صارو
اهواي
+
الناس اترحب بذوله الجذاذيب
ويكولون للصادك ..شكو
جاي
+
عدمن نشتكي دلونه ياناس
ضيعنه العكل والدرب
والراي
+
درسنه ومل عكلنه من الدراسات
واجاهه من الاخير وفات
شواي
+
جا وين العدل .. وين المساوات
تسوونه مدير .. الجان
بناي
+
الباطل صار حك , والحك مشه وراح
واذا تشكي ..ايكلك مكدر
الهاي
+
يكولون الحجي .. يحتاجله رجال
واني الضاع حكي .. وانه
حجاي
+
بعدني اعله الوهم عايش والوعود
مثل اللي غرك ومجلب
ابماي
+
دنيه اتلاعب الحر .. وتلاويه
واتدني الردي .. الما يعرف
الراي
+
تعبت امن الحجي المايلكه شراي
تعبت وتعبتني اهواي
دنياي
+
بدت ونات كلبي اتشك بالضلوع
وبده نزف الجروح ايسيل
بهداي
+
الا هل من اصيل ابارض الجدود
يكلي الحك اطلعه .. وامشي
عناي

+
اليحس بالظلم , يسري الظلم بيه
لان جرح الظلم اعمق من
الداي
+
راح اليستحي .. ومن خالقه ايخاف
وظل بالله بس .! متعلك
ارجاي
+
عباس طريم
+​

 

[وردة الصحراء]

رد: ياهو اللي يجي ايكول انه دكتور

شكرا ع الطرح الرائع

تحياتي لك

 

[מـلـ♥ـڪ ألـבـ♥ـب ألـמـ♥ـدريـدي]

رد: ياهو اللي يجي ايكول انه دكتور

الله الله الله

كلمات ترسم حال زمنا هذا للاسف

شكراً لحضرتك اخي المبدع

دائماً تحسن الانتقاء

تحيتي لحضرتك

 

[ذوق]

رد: ياهو اللي يجي ايكول انه دكتور

أخّ رومـَنسي
أبْدَعتَ في فنّ الإنتِقآء


سلِمت يمينُك​

 

[::سيف العراقي::]

رد: ياهو اللي يجي ايكول انه دكتور

كلمات جميلة ومشاعر فياضة دام قلمك المميز ودي واحترامي لك

 

[رومانسي بس منسي]

رد: ياهو اللي يجي ايكول انه دكتور

شكرًا على مروركم العطر

 

[المايسترو]

رد: ياهو اللي يجي ايكول انه دكتور

كلمات جميلة وانتقاء اجمل
روووووووووووووعه​

 

[د.جلنار]

رد: ياهو اللي يجي ايكول انه دكتور

تسلم الايادي

 

[PṟįñcệŞs ĎộDo]

رد: ياهو اللي يجي ايكول انه دكتور

عاشت الايادي دوم الابداع