ياثمر دلالي ياسبط الحسن المسموم ياجسام
وجهك كان مثل القمر يلالي من اريدن انام
ياوسفة صار عرسك قشرة زفتك بس السهام
وحنا جفوفك جانت دمومك وعمك بعدك انضام
والعويل لك غنا وبدل اصفق الكفوف لطمت الهام
ماظنيت يااوليد تالي الزمن اوداع وفراق واستسلام
ياجاسم يااوليدي وحبيبي ويامنارة ومسجد أحـــــلام
عليك آمال عمري كلها معقودة وهسه اشوفك قـدام
عيوني اعلى الترب مذبوح عجيبة شفتك يالولد دام
هاي الذبحك شلون ذبحه حسافه يكون بدينه اسلام
حتى الكفر ومالهم دين هم يستحوا مايمثلوا بهيج اجسام
هو يزيد هو جاي من وين فجعني بيك ونكس اعلام
ياذنب ياابني الجنيته حتى تتوانى بوصالي وبالثرى تنام
لون البكي يرجع الميت والله لابجي كل سنيني والايام
هسه شلون تفارقني وتنسى تعب رباي وتنسى الفطام
كلهن راحن بمهب الريح بسيف العدو وانقطعت ارحام
بين اللوعة والآه نظرت رمله للحنا وجسمها تورث اسقام
تمنت تخضب بيه اكفوف الجاسم وتعيش بفيه بفرح وسلام
لكن ماحسبت الايام كلها تتحول لحزن وحتى العيد عليها حرام
تمنت تبني لك بيوت بس السيف ماقصر للبيوت هدمها انهدام
بكربلا جنت مكسور يالولد ماعندك ابو وهاي حال الايتام
بس نسوة زفتك للحرب يااوليدي قبل العرس ومالك اعمام
اعمامك كلهم ناموا عالثرى بس حسين بقى وحيد بين الأقوام
اغتالك يااوليدي البين قبل ماتفرح وحناك بدماك الحسام
حصري بقلمي
الآن
فتنة العصر
