يا ام البنين

[ابو مناف البصري]

قريت هاي القصة بالانترنيت وحبيت انتو هم تقروهه سلام الله عليج يا ام البنين
والله سمعت القصه وجسمي كزبر أقرها بجاه ام البنين
السلام عليكم
اللهم صل على محمد وال محمد وعجل فرجهم
اليوم سمعت قصة على لسان بنية وجانت شاهدة على معجزة تقشعر لها الابدان ... ببركة سيدتي ومولاتي ام البنين عليها
السلام .. تكول البنية . جنا رايحين للعمرة ..ويوم رحنا لزيارة ائمة البقيع عليهم السلام ..اكو وحدة عراقية جانت وياهم هي وابنها المعوق عمره 15 سنة ..المره خلت ابنها بمكان واكو سلم يصعدوه ..وراحوا لائمة البقيع عليهم السلام ..من وصلوا تعرفون اكو سور مايخلون احد يوصل يم القبور المقدسة ..هاي المره وكفت يم السياج تحجي ويه ام البنين عليها السلام كالتلها يا مولاتي اني ابني من ولادته وهو معوق وهسة عمره 15 سنة ونفس حالته مايمشي ..واني اجيتج وجبتلج شي وياي من العراق ..تكول البنية كلنا الوفد جنا كاعدين ونسمعها من تحجي..وشفنا المره طلعت بطل صغير من ملابسها بيه مي وكملت كلامها ويه ام البنين عليها السلام وكالتلها . يا سيدتي جبتلج هذا المي من نهر العلقمي وبيه ريحة ابنج العباس عليه السلام واخاف تتأذين من ارشه على قبرج ..بس اكيد تتمنين تشمين ريحة ابنج العباس عليه السلام وتدرين شلون الضنه غالي واني ابني هم غالي عليا واريده يشفى ..وظلت المره تتوسل بجاه ام البنين وتحلفها بمعزة العباس عليه السلام لحدما خلت الكل الوياها يبجون ..بعدين طلبت من عامل هندي وانطته فلوس كالتله اريدك ترش هذا المي على هذاك القبر ..تقصد قبر ام البنين .. تكول اخذه وعبر السياج وراح رشه ع القبر ..ورجع ..تحلف البنية تكول من رش المي ورجع ..سمعنا ونه وصوت من القبر يكول ...اااااااه يا عباااااس ...وتكول كلنا سمعنا الصوت وصارت هوسة بالصلوات على محمد وال محمد ..حتى الشرطة انتبهولنا واجوا يركضون وما بينا الهم شنو الموضوع ...وتكول وره شوية اجى الولد المعوق صاعد الدرج واجى لامه يركض ومابيه اي شي وهو اصلا جان مايمشي ..اجاها كاللها يمه اجت مرة انطتني ايدها وكومتني وكالتلي كوم روح لامك وكوللها اني ام عباس وسلملي عليها كوللها ام عباس تسلم عليج ... العبرة من هالقصة لحد ييأس ابد من الدعاء والتوسل بالله بجاه اهل البيت عليهم السلام ..لان من تنخاهم بحرقة قلب ويقين مايردوكم ابد
اسفة طولتها عليكم ..بس القصة اثرت بيا هواااي وحبيت تسمعوها
دخيلج ياام عباس........بردلي كلبي وفرحيني وفرحي كلمن عده حاجه يا ام البنين نقسم عليج بعباس ع .......يا أم البنين​

 

[قيصر الحب]

رد: يا ام البنين

جزاك الله خيرا

يًعّطيًكْ آلِعّآفيًه
عّلِى آلِمجهوَدِ آلِرٍآئعّ
وَلآعّدِمنآ جدِيًدِكْ آلِرٍآقيً
وَدِيً وَآحتِرٍآميً

 

[شاهيـــن]

رد: يا ام البنين

 

[شمس الاصيل]

رد: يا ام البنين

اللهم صل على محمد وال محمد
والسلام على مولاتي ام البنين
احسنت لنشرك القصة

 

[مناضل الناصر]

رد: يا ام البنين

احسنت.............

 

[مناضل الناصر]

رد: يا ام البنين

سلام على ال بيت النبي

 

[مناضل الناصر]

رد: يا ام البنين

سلام على ام العباس

 

[صح ـرآء رمآلهآ تحگيْ]

رد: يا ام البنين