**ينشدني**
ينشدني او چثيره اليوم نشدتنه
مو نفس الشكل ونضيع ويه الناس
ولا مثل البشر دمنه او طبيعتنه
عجيبه احنه عجيبه او مدري من يالون
لا نعتگ ولا تنگشع صبغتنه
والناظر نبهره شلون مدري شلون
هيبه تشيل هيبه او هيبه شوفتنه
او من طبع البشر تسمع العالي الصوت
وحنه ابلا حچي او تنسمع چلمتنه
اذا نزعل تصيح الگاع منه الغوث
او يضحك كل صفر برسوم ضحكتنه
واذا نصبر صبرنه او هز صبرنه جبال
او تاكل بالحديد تگوم حرگتنه
واذا صارت مذله او ناس طخت هام
تعله او لو نصت بالغيم هامتنه
نعاشر طيب خاطر وبصدر مفتوح
او من جود الجلود تفيض سفرتنه
شيمتنه او كرامه او طيب عشرتنه
وذا نعشگ نوافي او هاي عادتنه
لمينه العشگ وتوزع اعله الناس
او طلع حب حيدر الكرار حصتنه
وذا نوزن الدنيه او حب علي الكرار
ينسد الحچي او ترجح محبتنه
اول صوت نسمع من نگع للگاع
حيدر ياعلي تصرخ الجابتنه
غذتنه المحبه او يه الحليب حساب
ولهذا السبب طهرت حليبتنه
صفينه ابلا سوالف بس نسولف بيك
وذا نسكت تسولف بيك سكتتنه
وذا ماينبض ابحبك گلبنه يموت
ينسد الهوه وتموت غيرتنه
يرايتنه الترف والصوت شدة حيل
او تجبر خاطر المكسور صيحتنه
صيحتنه علي او هالصوت ياذي عداك
وهيه عداك من هالسبب كرهتنه
نگعد ياعلي انگوم يابو حسين
معاذ الله نشرك هاي فطرتنه
ينشدني او چثيره اليوم نشدتنه
مو نفس الشكل ونضيع ويه الناس
ولا مثل البشر دمنه او طبيعتنه
عجيبه احنه عجيبه او مدري من يالون
لا نعتگ ولا تنگشع صبغتنه
والناظر نبهره شلون مدري شلون
هيبه تشيل هيبه او هيبه شوفتنه
او من طبع البشر تسمع العالي الصوت
وحنه ابلا حچي او تنسمع چلمتنه
اذا نزعل تصيح الگاع منه الغوث
او يضحك كل صفر برسوم ضحكتنه
واذا نصبر صبرنه او هز صبرنه جبال
او تاكل بالحديد تگوم حرگتنه
واذا صارت مذله او ناس طخت هام
تعله او لو نصت بالغيم هامتنه
نعاشر طيب خاطر وبصدر مفتوح
او من جود الجلود تفيض سفرتنه
شيمتنه او كرامه او طيب عشرتنه
وذا نعشگ نوافي او هاي عادتنه
لمينه العشگ وتوزع اعله الناس
او طلع حب حيدر الكرار حصتنه
وذا نوزن الدنيه او حب علي الكرار
ينسد الحچي او ترجح محبتنه
اول صوت نسمع من نگع للگاع
حيدر ياعلي تصرخ الجابتنه
غذتنه المحبه او يه الحليب حساب
ولهذا السبب طهرت حليبتنه
صفينه ابلا سوالف بس نسولف بيك
وذا نسكت تسولف بيك سكتتنه
وذا ماينبض ابحبك گلبنه يموت
ينسد الهوه وتموت غيرتنه
يرايتنه الترف والصوت شدة حيل
او تجبر خاطر المكسور صيحتنه
صيحتنه علي او هالصوت ياذي عداك
وهيه عداك من هالسبب كرهتنه
نگعد ياعلي انگوم يابو حسين
معاذ الله نشرك هاي فطرتنه
