يهل المجفي

[ابو مناف البصري]

يـهل مـچفي وعـفتني بدرب مسدود
الفــــرح لامـــرني عــگبك لا دنـــالي

وعـلى دربــك گعــدت اتنطـــر اتعـود
تمنيـــتـك تـــــرد وتشــــوف حــالي

يـبس عــود ابجفـاك وخضــر العـود
وإصبـر الـــروح اگلهـا ايعــود تـالي

چايـمتـه تــــرد مـــو راح فـــرهـود
العمـر ريشة وجفـاكـم شرجي عالي

عليـه ايـام مــــرت جــوهـه صيهـود
وانــه بحـسـباتي غـــارگ لا أوبــالي

تــــراودني الضنــون وگلت مـوجود
ربـــك هــو اعلــــم بـالجـــــــــــرالي

واغفه من التعب بس نومتي اگعود
واشوفـك بالحلــم واصــرخ يغــالي

وأمــــدن للمحـاضـن چـفـي امـدود
وافــزن مـن مــنـامي وچـفي خالي

الـزمن حطني حمامه اگبال صايود
لا گلــبــه رحـمــــني ولا بچـــــــالي

واحشــم بالصبــر وادريبـه مــريود
وأگـولــــــن تنـجــلي ســود الليـالي

نفـــذ مني الصبــر والصـبر محدود
رفعت ايدي وندبت بصوت عالي

يلاهي شوكت اصبح حصة الدود
عساهـه ابـذمـت الفـــرهــد حـلالي
((الشاعر مهند الطائي))

 

[الجوري^]

سلمت الانامل
نقل مميز كأنت