هذه الصورة تجمع فيها الفرح والحزن
انها بكل بساطة سعاد حسني..
ابتسامة ودمعة..
انها بكل بساطة سعاد حسني..
ابتسامة ودمعة..
يهنياله
الي يضيع بحضرة اعيونك
ويلگاله غمية ارموش
ما لاحها حلم دخان
يهنياله
الي يلفه ثوبك الازرگ
ويتلولح وي أية الكرسي
ويغرگ هناك واتصيرله
دفان
يهنياله
التگودة المنيه فوگ اصديرگ
وتشيله شهگاتك المتوزمة لذات
وتحضنه اچفوفك الترفه بثلج
ونيران
يهنياله
الي يطيح فوگ اشفافك الموردات
يلم منها اسنين مشمش وتين
ويگوطر بإچتاف السهر روچه
وتعب نهران
يهنياله
الصار عله اجفونك دمع
ولمعة اسنيَنك بحلاة الضحك
يا واهس بروح يفت نعقة
الغربان
يهنياله
العرف دربك وشگه بحافر خيل
چا اجيتك بكل فرح روحي وهضمها
وأتنومس گبال الشماته وگبال ياهو
الچان
يهنياله
الضمك صرخة وكحة بوجه كافر
يصلي بلا ماي وعيونه أتبوگ
حلم كل عاشگ برسم حسنك
وولهان..
14/11/2022
العـ عقيل ـراقي
الي يضيع بحضرة اعيونك
ويلگاله غمية ارموش
ما لاحها حلم دخان
يهنياله
الي يلفه ثوبك الازرگ
ويتلولح وي أية الكرسي
ويغرگ هناك واتصيرله
دفان
يهنياله
التگودة المنيه فوگ اصديرگ
وتشيله شهگاتك المتوزمة لذات
وتحضنه اچفوفك الترفه بثلج
ونيران
يهنياله
الي يطيح فوگ اشفافك الموردات
يلم منها اسنين مشمش وتين
ويگوطر بإچتاف السهر روچه
وتعب نهران
يهنياله
الصار عله اجفونك دمع
ولمعة اسنيَنك بحلاة الضحك
يا واهس بروح يفت نعقة
الغربان
يهنياله
العرف دربك وشگه بحافر خيل
چا اجيتك بكل فرح روحي وهضمها
وأتنومس گبال الشماته وگبال ياهو
الچان
يهنياله
الضمك صرخة وكحة بوجه كافر
يصلي بلا ماي وعيونه أتبوگ
حلم كل عاشگ برسم حسنك
وولهان..
14/11/2022
العـ عقيل ـراقي
