يولِد الله

[فقار الكرخي]

كفو يسباع ،
زلم يل طينكم حرّي ،
يولِد الله .
يل بيكم لبن صدر الحراير ...
والتلولي والسهر ما ضاع .
زلم وعيونكم تجدح ...
شرار اليشعل الظلمه .
كل رمشة جغن كَمره تحنّي الكَاع .
علكَت والجسر خطوه لمراجلكم ،
والواويه ذاك الصوب ...
ترجف غاد منها ضباع ،
ترجف وآنتم آلها سباع .
كفو يسباع .
وكَفتم للمنايا شراع ...
وصغتم من وهج دمكم ...
كَلايد من عقيق ...
تحلّي صدر الكَاع .
من دمكم ...
فتحتم للشمس بيبان ...
وشبابيج لفرح باجر .
الشمس تنزل تحنيها ...
وتشد زلوفها بيها ...
وتبوس الكَاع .
عفيه آخوان آبن ثنوه .
كَاع البيها هيج سباع ...
ما تنباع .

 

[جنون العاطفه]

رد: يولِد الله

الله عليك شكد ذوووق
رووعه وروووعه
ودي وجنائن وردي

 

[فقار الكرخي]

رد: يولِد الله

نورتي

 

[قيصر الحب]

رد: يولِد الله

ابدااااع راقي..
وفي منتهى الروعه والجمااال
كلمااااااااات من ذهب..
ومعطرة بعطور ساحرة..
لاعدمنا كل مايخطه قلمك لنا
تحياتي وعبير ودي

 

[فقار الكرخي]

رد: يولِد الله

منورين

 

[mohammed.shams]

رد: يولِد الله

لجهودكم باقات من الشكر والتقدير على المواضيع الرائعه والجميلة