چذاب الوصف كلش
والمرايات بيهم غش
شمس تشرك
وانته شمسك
بنص الليل تغبش..
وبجالك اسنيني تضحك
وحدر ظلك روحي تفرش
يملگون فرح ومرشرش حلاة
انه منين ما أضوگ طعم مشمش
وأتشلبه حايط احلامي
هلبت خنجر اعيونك
بگلبي ينگش
تنيتك دهر ما مريت
وإتلثم صبر بحزام الليالي
ولشوفتك يرعش
وانته طعم طليع برحي
والبلابل تنومس بحلاتك وتعشش
وانه مسلهم مثل ناعور الي يبدي ويترس
وعيوني دربهن ابلياك مغوش
يا شگلگ رد نسولف لليالي
وبسدهن نكعد ونفرش..
28/06/2019
العـ عقيل ـراقي
