ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

[ليلى الكرادية]

قصيدة للشاعر الكبير احمد ماضي القلعاوي
ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ
ﻭﻻ ﺭﻳﺪ ﺃﺑﻬﻮﺍﻱ ﺃﺗﺼﻴﺮ ﺳﺎﻟﻔﺘﻚ
ﻭﻛَﺘﻠﻚ ﻫﺎﻱ ﻫﻴﻪ .. ﻭﺧﻠﻨﻲ ﺍﻣﻮﺕ
ﺍﻋﻠﻴﻚ
ﻭﺭﺿﻴﺖ ﺍﻧﺘﻪ ﺍﺑﻌﺸﺮﺗﻲ ﻭﻋﻤﺮ ﺟﻤﻠﺘﻚ
ﺑﺲ ﺍﺗﻌﻴﻔﻨﻲ .. ﻭﺍﻧﺘﻪ ﺍﻟﺪﻟﻴﻠﻲ ﻋﻴﻮﻥ ..
ﻭﻛَﺘﻠﻚ ﺍﻧﺠﺮﺡ .. ﻓﺪﻭﻩ .. ﻭﺍﺗﻮﺳﻠﺘﻚ
ﻣﺎ ﺭﺩﺍﺗﻚ ﺗﺤﺒﻨﻲ .. ﻭﻻ ﺭﺩﺕ ﺗﺸﺘﺎﻛَـ
ﻭﻻ ﻳﻮﻡ ﺍﻋﻠﻪ ﺩﻳﺮﺕ ﻋﻴﻦ ﺣﺎﺳﺒﺘﻚ
ﻭﺍﻧﺎ ﺍﻟﻌﺎﺷﻜَﻚ ﻛَﺪ ﺍﻟﺤﻼﺕ ﺍﻟﺒﻴﻚ
ﺗﺮﺍﻭﻳﻨﻲ ﺍﻟﻬﺠﺮ ﻭﺍﺷﻜَﺪ ﺗﺤﻤﻠﺘﻚ
ﺑﺎﺭﻳﺘﻚ ﻏﺼﻦ ﻭﺑﻤﺎﻱ ﻋﻴﻨﻲ ﺍﺳﻜَﻴﻚ
ﻭﺍﻧﺶ ﻃﻴﺮ ﺍﻟﻐﺪﺭ ﻭﺍﻟﻐﻴﺮ ﺣﺎﺻﺪﺗﻚ
ﻭﻣﺎ ﻛَﺘﻠﻚ ﺗﻌﺒﺖ ﻣﻦ ﺍﻟﺴﻬﺮ .. ﻣﻠﻴﺖ
ﻭﻻ ﻣﻦ ﻋﺎﻳﻨﺖ ﻟﻠﻐﻴﺮ .. ﻋﺎﺗﺒﺘﻚ
ﺭﺿﻴﺖ ﺍﺑﻘﺴﻤﺘﻲ .. ﻣﺎ ﺩﺍﻣﻚ ﺍﻧﺘﻪ ﻭﻳﺎﻱ
ﻭﻳﺸﻮﻓﻚ ﻧﺎﻇﺮﻱ .. ﻭﺍﻷﺫﻥ ﺳﺎﻣﻌﺘﻚ
ﻭﺗﺪﺭﻱ ﺍﺷﻜَﺪ ﺑﺠﻴﺘﻚ .. ﻣﻮ ﺩﻣﻮﻉ ..
ﺃﺟﺮﻭﺡ
ﻭﺑﺪﻣﻊ ﺍﻟﺠﺮﻭﺡ .. ﺃﺷﻜﺜﺮ ﺣﻠﻔﺘﻚ
ﺑﺲ ﻻ ﺗﻠﻔﺖ .. ﻭﺗﺴﺪ ﻋﻠﻴﻪ ﺍﻟﺒﺎﺏ
ﻭ ﺃﺗﺼﺪ ﻭﺗﺬﺑﻨﻲ ﺑﻨﺎﺭ ﻣﻨﻘﻠﺘﻚ
ﺧﻠﻨﻲ ﺍﺑﻮﺍﻫﺴﻲ .. ﻭﺍﺑﻮﺍﻫﺴﻚ ..
ﺷﺘﺮﻳﺪ ..؟
ﺿﻮﻛَـ ﺍﺷﺘﺸﺘﻬﻲ .. ﻫﻢ ﻣﺮﺓ
ﻋﺎﺭﺿﺘﻚ ..؟
ﻣﺎ ﺟﺎﻧﺖ ﺃﺑﺎﻟﻚ .. ﺷﺎﻏﻞ ﺇﻧﺘﻪ ﺍﻟﺒﺎﻝ !..
ﻭﺭﻭﺣﻲ ﺑﻜﻞ ﻣﺴﻴﺖ ﺍﻏﺮﻭﺏ ..
ﺭﺍﺳﻤﺘﻚ
ﺻﺪﻓﻪ ﻭﻛَﻠﺒﺖ .. ﺩﻓﺘﺮ ﺧﻠﻜَﻠﻬﺎ ..
ﺍﻟﻜَﻴﺖ !..
ﺍﻟﻜﻞ ﻣﻤﺴﻮﺡ ﻣﻨﻪ .. ﻭﻓﻘﻂ .. ﻛﺎﺗﺒﺘﻚ
ﻛَﺘﻠﻚ .. ﻻ .. ﺑﻌﺾ .. ﻣﻮ ﻛﻠﺸﻲ ﺟﻨﺖ
ﺍﺣﺠﻲ
ﻧﻴﺎﺷﻴﻦ ﺍﻟﺴﻬﺮ ﻭﺍﻟﺸﻮﻛَـ .. ﺷﻮﻓﺘﻚ ؟
ﻛَﺘﻠﻚ ﻓﺮﺩ ﻟﻴﻠﺔ ﺷﻠﻮﻥ ﻣﻦ ﻓﺰﻳﺖ ..؟
ﻭﻃﺸﺮﺗﻚ ﺩﻣﻊ .. ﻭﺷﻠﻮﻥ ﻟﻤﻠﻤﺘﻚ ..؟
ﺗﺬﻛﺮ ﺻﻮﺭﺗﻚ ..؟ ﺃﺗﻤﻨﻰ ﻋﺪﻫﺎ ﺍﻟﺴﺎﻥ ..
ﻭﺗﺴﻮﻟﻔﻠﻚ ﻋﻴﻮﻧﻲ ﺷﻠﻮﻥ ﺫﺍﻛﺮﺗﻚ ..؟
ﺍﻛَﻠﻚ ﻋﺎﺷﻜَﻚ .. ﻭﺗﻜَﻠﻲ .. ﻻ .. ﺟﺬﺍﺏ
ﻭﺍﻋﺮﻓﻚ ﺟﺬﺑﺖ .. ﻣﻦ ﻛَﻠﺖ ﺻﺪﻛَﺘﻚ
ﺑﺲ ﺍﺷﻜَﺪ ﺭﺿﻴﺖ .. ﺍﺷﻜَﺪ ﻓﺮﺣﺖ ﺍﺑﻬﺎﻱ
ﻣﺠﻨﻮﻥ ﺑﻬﻮﻯ ﺍﻟﻌﺎﺷﻜَـ ﺗﺨﻴﻠﺘﻚ
ﻭﺗﺮﺩ ﺗﺠﺮﺡ ﻣﻬﺠﺘﻲ ﻭﻣﺎ ﺍﻛَﻠﻚ ..
ﻟﻴﺶ ..؟
ﻭﺗﻄﻌﻨﻲ .. ﻭﻻ ﻓﺪ ﻳﻮﻡ ﺯﻋﻠﺘﻚ
ﻳﺎ ﺟﻤﺮﺓ ﺩﻣﻊ .. ﻭﺍﻟﺨﺪ ﺗﻜَﺒﻊ ﺑﻴﻚ ..
ﻳﻌﺼﺎﺑﺔ ﺣﺰﻥ .. ﻭﺍﻟﻌﻴﻦ ﻻﺑﺴﺘﻚ
ﺍﻧﺎ ﺷﺠﺮﺓ ﻣﺤﻨﻪ ﻭﻟﻌﺐ ﺑﻴﻬﺎ ﺍﻟﺸﻮﻛَـ
ﻳﻞ ﺷﺤﻴﺖ ﻣﺎﻳﻚ .. ﺛﻤﺮ ﺷﺎﻳﻠﺘﻚ
ﺳﻼﻳﺔ ﻭﺭﺿﺖ .. ﻓﺮﺣﺎﻧﻪ ﺑﻴﻚ ﺍﻟﺮﻭﺡ !..
ﻭﺑﻠﺒﺔ ﺑﻜَﻠﺒﻬﺎ ﺍﻟﺮﻭﺡ ﺷﺎﺗﻠﺘﻚ
ﺣﺐ ﻣﻦ ﻃﺮﻑ ﻭﺣﺪ ..؟ ﺍﻧﺎ ﻗﺎﺑﻞ ﺑﻴﻪ !..
ﻋﻠﻪ ﻫﺬﺍ ﺍﻟﻮﺿﻊ .. ﻭﺍﻟﺮﻭﺡ ﺭﺍﻳﺪﺗﻚ
ﻣﻌﻮﺩ ﺧﻠﺺ ﺻﺒﺮﻱ .. ﺷﻠﻮﻥ .. ﺗﺎﻟﻲ
ﻭﻳﺎﻙ ..؟
ﺑﻴﻪ ﺍﺷﻤﺎ ﻳﺼﻴﺮ .. ﺍﺷﻴﺤﺼﻞ .. ﺍﺑﺬﻣﺘﻚ
ﺑﺲ ﺍﺭﺟﻊ ﻣﺜﻞ ﻣﺎ ﻛَﺒﻞ ﺟﻨﺖ ﻭﻳﺎﻱ
ﻟﺘﺼﺪﻙَ ﺍﻋﻴﺸﻦ ﻟﻮﻥ ﻓﺎﺭﻛَﺘﻚ

 

[الشاعر الرياضي]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

الله الله
كلمات ولااروع
مشكوره يلغاليه على الانتقاء الجميل
ننتضر ابداعك القادم يلطيبه

 

[ليلى الكرادية]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

ابو مصطفى تسلم عيني وشكرا للمرور

 

[حكاية روح]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

ليلى روعة اختيارج وربي

احلى تقيم لعيونج غلاي
وتستحقين فايف ستار

 

[أرق مـن نسمہ]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

روووعه عاشت ايدك غلاتي
تحياتي

 

[الامبراطور]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

كلمات رائعة وموفقة
عاشت الايادي اختي العزيزة​

 

[ليلى الكرادية]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

زهرة عراقية
شكرا للاطلالة الرائعة
وتسلمين عزيزتي على التقييم

 

[ليلى الكرادية]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

انتي الاروع ارق من نسمة
شكرا للمرور الجميل

 

[ليلى الكرادية]

رد: ﺇﻧﺘﻪ ﺃﻟﻲ ﻛَﻠﺖ .. ﻣﺎ ﺭﻳﺪ ﺑﻴﻪ ﺃﺗﺬﻭﺏ

ايدك العايشة اخي الامبراطور الغالي تسلم غلاي